DILI- tuir data tentativa ne’ebé Federasaun Futebol Timor Leste (FFTL) nian deside katak, ekipa selesaun nasional Timor Leste U- 23 sira sei aranka iha loron 21 fulan Outubru hodi partisipa jogu AFC Cup U-23 tinan ne’e iha Singapura.
Sekretariu jeral FFTL Nelio Isac Sarmento ba jornalista sira katak, ekipa selesaun nasional U-23 hamutuk ho jogadór junior balun sei halo viajen ho aviaun husi Timor ba Jakarta hafoin ba liu Singapura.
“Ekipa selesaun nasional U-23 ho ekipa junior sira ne’e nia obejtivu ida de’it, atu partisipa iha jogu AFC Cup, U-23 ne’ebé sei hahú iha dia 25 to’o loron 30 fulan Outubru 2021”. Hateten Nelio iha nia knaar fatin FFTL Bairo dos Grilos, Kinta (07/10).
Nia hatutan, depois de jogu AFC cup remata, iha fleksibilidade rua mak TL sei trata, primeiru atu hare oinsa jogadór sira ne’e mantein iha Singapura ou Lae, tanba ita iha difikuldade ba aviaun atu lori ba mai.
Maibé FFTL halo komunikasaun ho Federasaun Singapura iha fleksibilidade atu bele kolia ho sira nia governu, atu oinsa bele ajuda ita nia ekipa nasional U-23 hodi kontinua halao treinamentu iha ne’eba hodi partisipa jogu Suzuki Cup, ne’ebé sei akontese iha loron 1 fulan Dezembru tinan ne’e, tenik Nelio.
Nia relata, relasiona ho difikuldade sira ne’e, Federasaun singapura seidauk fó resposta formal ruma mai, maibé sira nafatin tenta, no Federasaun Singapura mós halo ona komunikasaun ho sira nia governu atu resolve kestaun ne’ebé iha.
Bainhira mak governu Singapura labele fo resposta ruma atu ita nia jogadór U-23 sira ne’e mak labele hela iha ne’ebá hodi hala’o treinamentu tanba kestaun saude publiku, entaun ita tenki sai husi ne’eba.
Eis governante ne’e informa tan, ita iha opsaun rua, ida ita bele ba halo treinamentu semana rua de’it iha Qatar no bele mai halo fali treinamentu iha Indonesia, maibé depende ba ida ne’ebé mak bele fasilita ita.
“Konaba ba atu halo treinamentu iha Qatar ne’e sira fo resposta katak, konaba viza no fasilidade sira prontu fasilita, maibé ami seidauk hetan resposta klaru Kona ba oinsa ho kustu sira seluk iha ne’eba”
Nia relata, relasiona ho kondisaun jogadór sira nian di’ak, tanba ne’e iha semana oin sei halo teste PCR ba sira nia saude.
Enkuantu jogu AFC cup ba U-23 sei realiza iha loron 25 to’o 30 fulan Outubru,
Konaba ba jogu Suzuki cup ekipa junior Timor Leste sei hasoru Brunei Darussalam iha loron 01 fulan Dezembru, banhira ita pasa mak sei hasoru Singapura iha loron 05 fulan Dezembru tinan ne’e nia laran.
About Post Author
 nian deside katak, ekipa selesaun nasional Timor Leste U- 23 sira sei aranka iha loron 21 fulan Outubru hodi partisipa jogu AFC Cup U-23 tinan ne’e iha Singapura.Sekretariu jeral FFTL Nelio Isac Sarmento ba jornalista sira katak, ekipa selesaun nasional U-23 hamutuk ho jogadór junior balun sei halo viajen ho aviaun husi Timor ba Jakarta hafoin ba liu Singapura.){kind=link}