DILI – Hafoin governu liu husi Sekretario Estadu Juventude no Desportu (SEJD) no Federasaun Fútebol Timor Leste (FFTL) aprezenta ona manual operasional ida kona ba protokolu covid 19 ba Menisteriu Saude no MS aseita ho regras prevensaun sira ne’e, maibe MS Sujere ba FFTL perzisa teste ida ba jogador sira.
Relasiona realizasaun ba jogu copa FFTL no liga iha fulan Agustu tinan ne’e, maibé hare ba situasaun covid 19 kada loron amenta halo jogu sira tenki kumpri regras husi Organizasaun Saude Mundial.
Tanbá ne’e Sekretario Estadu Juventude no Desportu Abrao Saldanhia hateten, antes ne’e governu liu husi SEJD ho FFTL aprezenta manual ida kona prevensaun covid 19 nian ba Ministeriu Saude konaba oinsa mak atu realiza jogu iha ambitu covid 19 nia laran no Ministra Saude Odete Maria Freitas Belo aseita no sujere ba federasaun atu prense tan rekezistu balun hanesan, tenki uza teste ba jogador no mos adeptus maske vasina ona dala rua.
“Fulan Agustu jogu copa FFTL no liga serteza ona atu realiza, tanbá federasaun prontu atu halo tuir regras sira ne’ebé mak Menisteriu Saude haruka” relata Sekretariu Estadu Juventude no Desportu Abrao ba jornalsita iha SEJD sesta (13/08).
Nia dehan, regras ne’ebé mak Federasaun aprezenta ba Ministeriu Saude mak hanesa jogador tenki vasina dala rua foin bele joga no mos jogu sei limita adeptus no buat balun husi MS sujere mak antes halao jogu tenki desinfekta fatin kampu no tenki halo distansia sosial tenki ho teste ba jogador.
“Buat hirak ne’e federasaun prontu ona atu halo iha estadiun ba ekipa rua ne’ebé mak atu halao jogu, tanbá SEJD no FFTL hamutuk Ministeriu Saude konkorda malu ona atu realiza jogu iha fulan ida ne’e” tenik Abrao.
Laos reativa deit ba Fútebol, maibé reativa mos ba federasaun seluk ne’ebé mak atu realiza aktividade tenki kria rasik fali sira nia regras protokolu covid 19 nia ida hodi bele avalia husi Ministeriu Saude aseita ho regras ne’e sira bele halo aktividade.
About Post Author
