DILI- Vise prezidente Asosiasaun Fútsal Timor Leste (AFTL) Ivan Alves hatete, senti orgulio bele rekonese ami sai hanesan membru Asosisaun ida hodi hola parte ba Federasaun Fútebol Timor Leste (FFTL) atu nune’e dezenvolve Fútsal to munisipiu hotu.
“Ita hotu hatene Fútsal hanesan desportu ida hola parte ba juventude sira hotu ho nia objetivu oinsa atu lori Fútsal ba munisipiu, tanbá ne’e mak AFTL orgullu bele rekonese ami sai membru Asosiasaun ida FFTL” relata Ivan ba Desportu.XYZ iha Manleu foin lalais ne’e.
Nia dehan, jogu Fútsal ejisti kleur ona no kada tinan ita sempre partisipa jogu internasional hanesan AFF, maibé jogu sira ne’e ita halo selesaun ba jogador hotu maioria iha Dili, tanbá torneu sira ne’e dala barak realiza deit iha Dili.
AFTL iha ona komitmentu ida oinsa ita bele dezenvolve ona Fútsal ne’e tenki to ba munisipiu laos realiza deit iha Dili atu nune’e klubu sira munisipiu bele mai partisipa ona liga Fútsal iha nasional.
“Objetivu Asosiasaun Fútsal nia tinan ida ne’e hahu hodi realiza uluk lai ida Dili atu hare ba rekursu iha ita bele halo to ba nivel munisipiu hotu”
Entretantu iha kongresu Anual FFTL ba dala 6 iha tinan ne’e, Asosiasaun rua hanesan Sentru Juvinil no Asosiasaun Fútsal Timor Leste sai mahon FFTL hamutuk asosiasaun 19.
About Post Author
