DILI – Embaixadór Xina Xiao Jianguo hasoru malu ho Sekretariu Estadu Juventude Desportu (SEJD) Abrão Saldanha hodi husu Timor-Leste bele partisipa iha jogu Olimpic Games ne’ebé mak sei hala’o Beijin tinan 2022 hanesan uma nain.
“Ita seidauk responde lai konaba partisipasaun Timor-Leste nian iha jogu Olimpic Games, tanbá ita nia nasaun tropical no mos hare lai ba atleta sira nia preparasaun maximu ona foin bele informa fali ba Embaixadór Xina” relata Abrão ba jornalista iha salaun SEJD kinta (29/10)
Nia dehan, ohin hasoru malu ne’e laos kolia kona deit ba jogu Olimpic Games, maibé ami mos informa konaba infrasturtura no formasaun rekursu umanu ba setor desportu nian.
Konaba jogu Winter Olimpic ne’e ita nia rai Timor-Leste laiha ramo ba winter ida ne’e, tanbá nasaun tropikal, maibé ita iha atleta balun ne’ebé mak pratika desportu winter no balun hetan prestasun diak.
“Winter Olimpic iha tinan kotuk liu ba atleta ida naran Jonatan, nia prtatika barak liu iha Australia no Fransa nia votasaun diak nia bele liu ba winter Olimpic, maibé ita hare lai karik liu nia bele pasa ba jogu refere”
Membru governu ne’e hatutan, SEJD mos husu ba Xina sei bele apoiu formasaun teknika ba area desportu, maibé Xina seidauk bele esplora ba asuntu ida ne’e, tanbá foin mak hasoru malu ba dahuluk.
Sorin seluk Embaixadór Xina Xiao Jianguo hatete, ho partisipasaun iha jogu Olimpico Games ida ne’e, ami fiar katak partisipasaun sira ne’e tenki fo baze ba prosesu analizmu no la’os baze prosesu manipulasaun politika.
“Ami mos koalia asuntu relevante ho Sekretariu Estadu atu kontinua diskusaun atu esplora posiblidade bele programa Juventude no area desportu.”
About Post Author
