DILI – Antes ne’e Federasaun Fútebol Timor-Leste (FFTL) husu relatoriu ba Liga Fútebol Timor-Leste (LFTL) molok halo transferensia orsamentu,tanbá ne’e deritor (LFTL) Caetano Carceres Correia konsidera Federasaun Fútebol Timor Leste (FFTL) laiha logika atu husu relatoriu.
Enkuantu, Foin lalais ne’e Sekretario Jeral FFTL Nelio Izac Sarmento hato’o nia deklarasaun katak, apoiu ne’ebé mak governu liu husi Sekretario Estadu Juventude no Desportu (SEJD) fo liu husi FFTL atu atribui ba LFTL ne’e wainhira liga la’o.
No nia mos husu ba LFTL atu aprezenta relatoriu no kontratu salariu funsionariu nia mai iha FFTL hodi atribui orsamentu ba LFTL atu selu uluk salariu funsionariu nian durante fulan ha’at (4) hodi nune’e ami bele hatene saida mak liga hala’o servisu durante ne’e.
“Hau hanoin FFTL laiha logika atu husu relatoriu, tanbá FFTL seidauk halo transferensia osan haruka ami halo uluk relatoriu no kontratu seidauk simu osan halo relatoriu ida ne’e iha federasaun deit, maibé LFTL aprende husi zero mak mai ne’ebé ami hetene hotu proseu” informa Caetano ba jornalista iha sede LFTL Kuarta, (15/09).
Nia dehan, iha loron 9 fulan Agostu 2021 nia (Caetano) rasik ba iha SEJD hodi halo konfirmasaun atu hetan informasaun ba prosesu transferensia orsamentu ne’e ba FFTL iha loron 9 fulan Agostu no ami mai mos la halo informasaun ba sira tanbá normalmente tuir ita servisu profisionais kanal ne’ebé mak simu orsamentu ne’e tenki hato’o fali mai liga.
Maibé durante semana rua laiha informasaun, tanbá ne’e hanesan diretor finansa LFTL, hau iha dever atu responsabliza hodi halo karta ida ba FFTL husu apoiu ba kanal rua, mak hanesan ida importante liu ba administrasaun hodi fo ba atividade hotu ne’ebé mak liga halo ba preparasaun ba jogu ne’ebé tuir lolos halao iha fulan kotuk liu ba iha Agostu.
“Iha pontos segundu hau mensiona katak, husu mos apoiu ba iha direitu membru LFTL nia durante fulan (8), husi ne’e hau mos hetan informasaun karta ida husi prezidenti FFTL dehan katak, LFTL bele uza orsamentu husi patrosinador sira nian hamutuk $251 mil maibé ida ne’e hau sente karta resposta ne’e fora husi kanal ne’ebé mak transmiti ba” dehan Caetano.
Deklarasaun husi Sekretario Jeral FFTL nian ne’e halai liu ba orsamentu atividade nian, maibé LFTL husu ne’e laos halai ba jogu tanbá ami husu osan operasional ne’e hodi selu funsionariu durante fulan 8 nian.
Kona ba governu halo transferensia 40% ne’e ba operasional nian, maibé osan 60% ne’e haruka wainhira liga atividade lao.
Ho razaun sira ne’e hau sei mantein nafatin pozisaun, tanbá seidauk hetan orientasun husi prezidenti LFTL, hau seidauk bele halo buat ida tanbá kontratu ne’e asina ho prezidente liga se wainhira iha transferensia osan tama ona liga no ami mos prepara relatoriu.
Caetano haklaken, FFTL tenki hatene kanal rua ne’ebé mak LFTL haruka ba katak, ida operasional ida atividade, maibé iha karta ne’e hau husu operasional laos atividade.
Husi total Orsamentu ne’ebé mak LFTL aloka hamutuk $310,5 mil, no husi 65% ba atividades enkuantu 40% ba operasional.
About Post Author
