Dili-Governu liu husi Menisteriu Justisa (MJ) halo ona kontratu Arendamentu ho Federasaun Futebol Timor Leste FFTL atu halo konstrusaun ba estadiun munisipal Dili ne’ebé mak sei apoiu husi Federation International de Football Association (FIFA)
Sekretáriu Estadu Juventude no Desportu (SEJD), FFTL no FIFA hasoru malu ho Menisteriu Justisa hodi ko’alia konaba kontratu Arendamentu bá estadiun munisipal Dili iha salaun MJ segunda (13/06)
Menistru Justisa Tiago Amaral hatete,governu liu husi MJ atribui Kampu demokrasia bá FFTL no SEJD atu dezenvolve Futebol iha kampu refere.
“Kona-ba kampu bot estadiun munisipal Dili ne’e FIFA mak Dezenvolvementu 100% ho orsamentu Sira nian tanba ne’e governu Liu husi MJ halo kontrau Arendementu ho FFTL”tenik Tiago
Nia aumenta, kontrau ne’ebé MJ halo ho FFTL nia durasaun tinan 45 anos ,maibé sei kontinua kontratu ne’e to’o tinan 90 anos no sei selu Arendamentu ne’e bá estadu.
FIFA mós la’ós halo de’it estadiun munisipal Dili,maibé sira hakarak halo kampu iha Munisípiu 13 inklui Atauru tanba ne’e ita agradese tebes i governu apoiu nafatin atu kopera ho FFTL hodi halop Arendamentu bá kampu ne’ebé sira perzisa atu nune’e bele dezenvolve Futebol bá juven sira ne’ebé gosta Desportu.
“Ho prezensa FIFA nian iha ne’e wainhira kampu sira ne’e hotu sira bele lori jogu internasionál sira mai Timor Leste”
Iha fatin hanesan prezidenti FFTL Francisco Jeronimu afirma,loloos ne’e estadiun hari tiha ona i agora dokomentus los ona sira bá to’o iha ne’ebá la hein kleur tan sira submete dokomentus sira ne’e bá FIFA hodi halo tender ba kompania sira ne’ebé mak atu konstrui estadiun refere.
“Ha’u mak husu duni bá FIFA atu halo tender internasionál hodi hare kompania ne’ebé mak iha esperiénsia halo ona estadiun”
Francisco haktuir, FIFA promete sei konstrui estadiun ne’e remata iha tinan oin.
About Post Author
, FFTL no FIFA hasoru malu ho Menisteriu Justisa hodi ko'alia konaba kontratu Arendamentu bá estadiun munisipal Dili iha salaun MJ segunda (13/06)){kind=link}