Dili-Sekretariu Estadu Juventude no Desportu Abrao Saldanha afirma,ho prezensa Trofeu Copa mundiál hanesan inspirasaun ida mai ita hodi dezenvolve futebol iha Timor Leste.
“Ita nia esperansa bá futuru atu ajuda ita nia serbisu hodi inspira liu tan dezenvolve futebol iha ita nia rai tanba ita hahú tiha ona buat barak maibé ita kontinua tan ho organizasaun mundiál FIFA nian bele ajuda setor Futebol iha TL”tenik SEJD bá jornalista iha estadiun munisipal Dili sabadu (11/06)
Abrao dehan, kontente los ho vizita Trofeu ida ne’e no aumesmu tempu halo mós negosiasaun ho FIFA tanba sira hakarak halo investimentu iha estadiun munisipal Dili no sede bá kampu demokrasia.
“Programa ida hadia estadiun iha Timor ne’e ita mak husu bá FIFA,la’ós sira mak husu tanba ne’e ita halo negosiasaun bá sira atu hadia estadiun ne’ebé di’ak hodi nune’e ita bele lori fali jogu internasionál mai joga iha ita nia rai”
Nia aumenta,vizita Trofeu Copa mundiál ne’e hanesan esperiénsia pelu premera ves Historia iha ita nia rai.
tanba fofoun ita halo negosiasaun,maibé FIFA ladún fiar ita atu simu Trofeu ne’e tanba sira preukupa los ho siguransa no mós inpreza Coca-Cola laiha iha ita nia rai.
Maibé ohin sira kontente los tanba sira bele fiar TL nia organizasaun bele simu Trofeu ne’e ho di’ak.
Enkuantu,Trofeu Copa mundiál ne’e sai husi TL bá Austrália iha toku 15:00 loraik.
About Post Author
