DILI – Golu ne’ebé mak produs husi jogador Juvinal Boavida liu husi penalidade halo Akademica fc hetan vitoria 1-0 kontra As Marca iha jogu segundu devizaun grupu A Liga Fútebol Timor Leste (LFTL) epoka 2021 ne’ebé halao iha estadiun Munisipal Dili kuarta (14/10).
Durante jogu lao ekipa rua tun ho tatika jogu tuir trenador ida-idak nian teknik no hakarak iha ambisaun hodi rekolla pontos tolu iha jogu refere.
Maibé avansadu Akademica fc Pascoal Fernandes hetan bola kruza husi nia kompaneru Deonizio da Costa hodi lansa suta ho ain los, maibé bola nia suta kona deit besi rin leten.
Ho ameasa hirak ne’e halo ritmu jogu iha kampu laran komesa hatudu espiritu ba ekipa rua hodi hatudu sira nia esperansa no ambisaun atu produs golu liu husi suta livre, kantu no falta ba ida-idak nia ekipa.
Iha minutu 20 guarda rede Akademica fc Mariano da Consecão komete erru, hafoin guarda rede ne’e kaer bola liu garis penalidade kotuk halo arbitu Eufrasio da C Silva foti desizaun hakat ba suta falta, maibe jogador David Mendonca hanesan ezekutador sei salva husi lina defeza to primeira parte termina.
Tama ba segunda parte iha menutu 58 Akademica fc halo subtituisaun ba jogador Rivaldo Fernandes hodi hatama fali Juvinal Boavida hodi reforsa fali lina avansadu.
Iha menutu 59 defeza As Marca João dos Reis komete bola maun iha penalidade laran, halo arbitu foti dezisaun ba suta penalidade.
Juvinal Boavida ne’e mak foin tun, kapitaun Akademica fc Joel Gaio fo fiar ba jogador refere hanesan ezekutador no susesu halao kna’ar ho diak hodi fora guarda rede As Marca Gregorio Alves hodi hatur skor ba 1-0.
Ho skor ne’e halo As Marca fila responde golu ida liu husi kabesada jogador Jose Campos hafoin hetan asistenti husi Elderino Rei, maibé arbitu juis da lina hit sai bandeira hodi halo arbitu foti desizaun katak golu refere hetan anula, tanbá offsaid to jogu remata.
Vitoria ne’e halo Akademica fc tur iha posisaun segundu ho pontos tolu hanesan mos ho Portu Taibesi, enkuantu As Marca iha pozisaun ikus liu ho pontos 0 iha grupu A.
About Post Author
