Dili-Francisco Jerónimo nafatin eleitu sai presidente Federasaun Futebol Timor Leste (FFTL), ba periudu 2022-2026, ho votus afavor 11.
Tuir estatutu FFTL nian, artigu 30 hateten, kandidatu ida tenki hetan votus 12 (⅔), se banhira iha kandidatura sira la prense dois tersu, sei hakat ba votasaun segunda volta atu hetan loloos kandidatu ne’ebé hetan dois terços.
Hafoin iha eleisaun primeira volta ba kandidatura na’in tolu, komisaun eleitoral meja nian, anunsia katak, kandidatu sira la prense korum, nune’e tenki hakat ba eleisaun segundu volta, hodi elemina na’in ida.
Nune’e, hafoin hakat ba eleisaun segundu volta, kandidatura númeru (1), Francisco Kalbuadi Lay retira nia kandidatura.
Tanba ne’e hakat ba eleisaun segundu volta, Francisco Jerónimo mak manan, ho votus 11, hafoin liu votus ida husi Nilton Telmo Gusmão ho votus 10.
Total votus husi kandidatura na’in rua ne’e hamutuk 21.
Presidenti eleitu Francisco Jerónimo iha nia kampaña hateten, futebol juvenil iha munisipiu tenki la’o tinan-tinan, sei fó treinamentu futebol ba labarik sira husi tinan 8 to’o tinan 10, kontinua formasaun ba arbitrazen sira.
“Ita sei hala’o kompetisaun Liga, maibé laos ona iha nível rejional, tenki to’o munisipiu, nune’e mós kopa Timor Leste, laos ona ba klube primeiro no segundu divizaun mak joga, maibé entrega ba Munisipiu sira mak lidera, no subsídio ba assosiasaun sei aumenta tan”. Nia promete iha nia kampaña ba partisipante sira, iha salaunt Novu Turismo Lecidere, Sábado (26/02).
Nia mós afirma, sei nafatin kopera ho governu, atu oinsa nafatin apoiu FFTL, nune’e bele lori futebol hahú husi base. (Desportu.xyz).
About Post Author
, se banhira iha kandidatura sira la prense dois tersu, sei hakat ba votasaun segunda volta atu hetan loloos kandidatu ne’ebé hetan dois terços.){kind=link}