Dili-Iha eleisaun Presidente Federasaun Futebol Timor Leste nian, ba períodu 2022-2026, kandidatu, Francisco Kalbuadi Lay retira husi nia kandidatura, tanba iha votasaun primeiru hetan de’it votus 5, Francisco Jerónimo hetan votu 9 no Nilton Telmo Gusmão hetan votus 7.
Tuir estatutu FFTL nian, artigu 30 hateten, kandidatu ida tenki hetan votus 12 (⅔), se banhira iha kandidatura sira la prense dois tersu, sei hakat ba votasaun segunda volta.
Hafoin iha eleisaun primeira ronde ba kandidatura na’in tolu, komisaun eleitoral meja nian, anunsia katak, kandidatu sira la prense korum, nune’e tenki hakat ba eleisaun segundu volta, hodi elemina na’in ida.
Maibé, kandidatura Francisco Kalbuadi Lay, retira husi nia kandidatura hodi fó oportunidade ba kandidatura na’in rua, Francisco Jerónimo no Nilton Telmo Gusmão.
“Hau retira husi hau nia kandidatura, hau entrega ba kandidatura na’in rua atu avansa”. Kalbuadi hateten, hafoin hala’o prosesu eleisaun ba presidenti FFTL, IHA salaun Novu Turismo Lecidere, Sábado (26/02).
Nune’e, iha votasaun segunda ronde Francisco Jerónimo mak manan ho votus 11 no Nilton Telmo Gusmão hetan votus 10. (Desportu.xyz).
About Post Author
