DILI-(Desportu XYZ) atleta husi modalidade Taikwondo ho modalidade Boxing fila husi eventu Sea Games tinan Cambodia ne’e mai Timor Leste lori ho medalha osan metan 6.
Medalha osan metan 6 ne’e ofrese husi modalidade Taikwondo 4 no Boxe 2.
Ba Jornalista Diretur Nasional SEJD, Cesarino da Silva hato Parabens ba atleta sira ne’ebé mak ba partisipa iha Sea Games tinan ida ne’e.
“Hanesan Timor oan ita hotu orgullu tanba esforsu ne’ebé sira halo bele atinje duni “tenik nia ba Jornalista sira iha Aeroportu Internasional Nicolao Lobato, Comoro kuarta (17/05).
Cesarinu afirma, nafatin orgullu tanba ohin atleta sira mai ho medalha bronze.
Sikun seluk, Atleta Modalidade Boxing Timor Leste Delio Mouzinho hatete nia halo esforsu masimu ikus mai rezultadu hetan treseira lugar.
“Imajem sira ne’ebé mak povu Timor Leste hare, hau halo duni esforsu maibe rezultadu hau duni tresira lugar”dehan nia
Nia agradese ba governu Timor Leste no parte hotu nia apoiu moral inklui orasaun durante iha kompetisaun.
Nune’e mós Atleta Taikwondo Ana da Costa,informa Medalha ne’ebé mak nia hetan ne’e liu husi esforsu ne’ebé mak durante nia halo.
“Espera tinan oin ami sei esforsu liu tan hodi halo diak liu tinan ida ne’e”Hakotu nia
Entertantu,Atleta ne’ebé mak hetan medalia mak hanesan, modalidade Boxing hetan medalia rua husi Delio Mouzinho no Edgar Foe Quintas,enkuantu modalidade Taikwondo hetan medalia husi atleta Claudio Mousaco, Inbrolia Amorin, Ana da Costa no Cerilio.
About Post Author
