Dili – Fitun Estudante Lorosa’e (Fiel), taka jogu ikus derrota kontra nia ekipa adversáriu AS Marca, hodi lakon pontu tolu, iha jogu ikus nian ba Kopa FFTL tinan ne’e.
Fiel antes ne’e iha ona pontu hat, hanesan mós ekipa kandidatura ba oitavu finais, maibé rejultadu hatudu oinseluk.
Tanba ne’e jogu entre ekipa rua iha stadium Munísipal Dili (10/10/2020), iha jogu primeira parte, fiel halo presaun ba baliza liu husi liña avansadu jogadór númeru 11 ho naran Aris Tilman, ne’ebé la konsege realiza golu, hodi lakon bola rua tui-tuir malu
Depois hakat ba jogu segundu parte, treinadór Mohammad Niko tenki hasai fali nia jogadór kamizola 21, ho naran Jose Campos, hetan subtituisaun husi jogadór kamizola númeru 19 ho naran Jose de Jesus, tan ne’e liu de’it minutu balun, hakat tama ba kampu laran, hodi hatama kedas golu hodi muda skor 1-1.
Sorte aat ba sira, tanba ekipa adversáriu tenki fó fila golu ida ba sira hodi muda skor sira 1-2.
Tanba ne’e, kapitan Fiel Antonio Gomes ba jornalista sira dehan, sira falla iha liña oin, atu produs golu iha jogu primeira parte.
“Ami falla iha liña oin, tanba ohin iha jogu primeira parte iha bola tolu ida mak la realiza golu, ne’ebé ida ne’e mak jogu, ida lakon ida tenke manan, tanba ne’e agradese ba ekipa adversáriu hodi hakat ba oitavu finais”. Dehan nia iha stadium Munísipal Dili, Kinta (10/10/2020).
Nia mós rekoñese, ohin sira hatudu duni jogu ho di’ak, maibé parte liña oin mak sei monu, tan ne’e nia dehan tan, sira falla mós husi jogadór sira tanba treinamentu menus.
Nia promete, sira nafatin hadi’a tempu tuir mai, hodi hein jogu liga 12 de Novembru no liga sira tuir mai.
Fiel hanesan ekipa segundu divizaun, ne’ebé tama iha grupu B, hamutuk ho ekipa sira hanesan, AS Ponta Leste, AS Marca, Nagardjo Fc no Átletico Ultramar.(Vidal).
About Post Author
