Dili – Federasaun Futeból Timor Leste (FFTL) liu husi diresaun Finansa halo ona transferensia orsamentu pakote covid 19 nia ba konta bankaria klubu 20 husi primeru divizaun no segundu divizaun iha loron 8 fulan Outubru tinan ne’e
Iha klubu segundu divizaun tuir lolos ne’e hamutuk klubu 12, maibé Sporting FFTL konfirma ona ho Banku Mandiri atu kansela subsidiu ne’ebé tranfere ona ba konta Bankária Sporting nian, tanba tuir informasaun ne’ebé sira simu katak, ekipa refere hases-aan husi kompetisaun iha époka tinan ne’e.
Adjuntu sekretáriu FFTL Frederico Martins esplika, FFTL liu husi nia diresaun finansas halo ona tranférensia fundu finanseria ba klubu 20 nia konta bankária ida-idak.
Maibé tuir informaun ne’ebé FFTL simu husi Liga Futeból Timor Leste (LFTL) katak, Sporting hases a’an husi kompetisaun iha tinan ne’e
“Orsamentu ne’ebé mak FFTL transfere ba klubu 20 ne’e ho pakote rua hanesan Pakote covid 19 no subsidu” Hateten adjuntu ne’e ba jornalista sira, iha salaun Xanana Sport Centre, Bairo dos Grilhos, Sabádu (09/10).
Nia dehan, orsamentu ne’e fahe ba pakote rua mak hanesan ida pakote covid 19 ho montante $ 5 mil ba klubu 20 no pakote segundu mak FFTL financial suport ba klubu primeru divizaun no segundu divizaun
FFTL simu informasaun husi LFTL katak, Sporting sira hases-a’an, ne’ebé órgaun LFTL sei halo hela diskusaun ho sira, ne’ebé ami mós kontaktu ho manajer husi Banku Mandiri nian, atu husu informasaun, no sira dehan ami bele kansela iha segunda feira.
Enkuantu Orsamentu ba pakote Covid-19 ne’ebé halo ona tranférensia ba klubu primeira no segundu divizaun ne’e, transferensia ho orsamentu $ 5 mil.
About Post Author
