DILI-klube Ad SLB Laulara prontu tuir Kompitisaun ne’ebé mak tuir informasaun sei organiza husi Federasaun Futebol Timor Leste (FFTL),maibé antes tenki iha uluk konkordansia balun kona-ba apoiu finanseru bá klube.
Antes ne’e Sekreta Jerál FFTL Gregorio Correa,Adjuntu Sekretáriu Jerál Frederico Martins no deritor teknik Gaspar Quintao fo sai ona iha pres konferensia katak,Liga Futebol Timor Leste (LFTL) la responde karta ne’ebé mak FFTL haruka bá,FFTL sei fó konvite bá klube sira hodi tur hamutuk atu ko’alia kona-ba oinsá atu organiza liga.
Tanba ne’e Sekreta Jerál Klube Ad SLB Domingos Caeiro hateten,intensaun hari klube atu tuir Kompitisaun formál hodi hamosu Kandidatu melhor jogador bá selesaun nasionál tanba ne’e Klube prontu Kolabora ho modelu Kompitisaun formál sira ne’e.
“Karik ikus mai LFTL nudar orgaun legal inplementador mak la prontu hanesan lia anin ne’ebé fó sai ona husi prezidenti FFTL, klube prontu tuir Kompitisaun liga”dehan Domingos bá Desportu XYZ liu husi Via Whatsaap kinta ne’e.
Tuir nia katak,sei karik mak FFTL organiza duni liga,maibé FFTL antes ne’e iha uluk konkordansia parte balun ne’ebé mak ligadu ho finanseru bá klube.
“Klube prontu kualker tempu,maibé prontu la’ós atu kompleta relatori ezekusaun orsamentu ne’ebé apoiu husi estadu,maibé perzisa mak tenki iha uluk konkordansia ida ho preukupasaun klube sira nian, la’ós prontu atu asegura de’it anbisaun ema balun nian”dehan Domingos
Tuir loloos lider top rua ne’e hanesan prezidente FFTL no Prezidenti LFTL tur hamutuk atu iha konkordansia bá malu atu realiza liga Epoka ida ne’e tuir karta ne’ebé mak governu liu husi Sekretáriu Estadu Juventude no Desportu (SEJD) iha,maibé Saida mak akontese to’o ohin loron parte rua sei dun bá malu.
“Sei ida-idak defende nia pozisaun,ikus mai sei mak sai vitima klube no jogador sira mk sai vitima tanba Timor Leste iha modalidade Futebol sei hakiduk bá kotuk”
Relasiona ho asuntu ne’ebé Sekretáriu Jerál FFTL fó sai iha pres konferensia iha semana kotuk, jornalista halo ona konfirmasaun ho parte LFTL,maibé deritor finansa LFTL lebele responde tanba dezisaun husi prezidenti LFTL.
About Post Author
