Dili-Fc Portu Taibesi susesu hakat ba primeira divizaun, hafoin halakon Fitun Estudante Fc ho skor 3-1, iha jogu jornada dalimak iha tabela klasifikasaun grupu A Liga Futeból Timor Leste (LFTL) ho pontus 10.
Iha konfrénsia imprensa kapitaun Portu Taibesi Eugebio Almeida hateten, kontente ho rejultadu ne’ebé sira hetan husi Fitun Estudante.
“Maske ami lahakat ba finál iha segunda divizaun, maibé ami nia hakarak ne’e tenki ba primeira divizaun”. Hateten kapitaun ne’e iha stadium Munisipal dili, Tersa (16/11).
Kapitaun Portu Taibesi Fc ne’e mós relata, iha jogu primeira parte sira lidera uluk golu, hafoin ekipa adeversáriu halo impata fila fali. Maibé hakat ba jogu segunda parte sira lidera tan golu rua hodi muda skor 3-1.
Nune’e mós kapitaun Fitun Estudante Bernardino Baz hateten, iha jogu primeira parte sira joga di’ak tebes, maibé hakat ba jogu segunda parte sira monu iha resisténsia.
Jogu segunda parte ami monu iha resisténsia no mós esperiénsia jogu, nune’e ema aproveita hodi produz golu. Dehan kapitaun Fitun Estudante ne’e.
Nia mós dehan tan, lakon ne’e hanesan esperiénsia ida hodi hanorin sira atu futuru hadi’ak liu sira nia performe jogadór.
Iha jogu primeira parte, ekipa rua hahú lansa kontra atake ba malu liu husi bola pasa ain ba ain.
Maibé hafoin liu minutu 9 oportunidade ba Fc Portu Tabesi nia jogadór João Pereira ho númeru kamizola 21 fura rede Fitun Estudante nian, banhira simu bola asisténsia husi nia belun Marcelino Fernandes hodi muda skor 1-0.
Maske Fitun Estudante Fc sofre uluk golu, maibé nafatin hatudu sira nia jogu hodi kontra atake ba Fc Portu Tabesi nia area do kampu hodi tenta atu lori bola liu, maibé la iha dalan ba sira atu hakat liu liña defeza Fc Portu nian.
Maske parte defeza Fc Portu Taibesi nian liña metin, maibé Fitun Estudante tenta fera hikas golu ida liu husi jogadór João Ximenis nia bola capsada bainhira simu suta bola falta ne’ebé ezekuta husi Deonisio Lopes hodi muda skor 1-1.
Fc Portu Tabesi atu mantein sira nia ekipa ho skor ne’ebé sira rekolla dahuluk, tenki halo subtituisaun ba nia jogadór Marcelino Fernandes hodi hatama Jerico Piedade iha minutu extra 45+1.
To’o jogu primeira parte deskansa, ekipa rua mantein ho skor 1-1.
Hakat ba jogu segunda parte, ekipa rua kontinua halo kontra atake ba malu atu muda skor ida-idak nian.
Hafoin iha minutu 50 Fitun Estudante troka nia jogadór Geovanio Gama hodi hatama Geovanio Freitas.
Hanesan mos ba Portu Tabesi hodi halo subtituisaun ba nia jogadór Romer Martins hodi hatama Nelvio Almeida.
Subtituisaun Fitun Estudante Fc halo atake Fc Portu Tabesi hodi fo mos ameasa, liu husi sutu bola ba aas ba rede, maibé la rejult iha alvu ruma.
Portu Taibesi Fc atu asegura nia skor ne’ebé iha nafatin troka nia jogadór parte defeza hodi hasai Jardel Piedade no hatama Frederico da Silva.
Subtituisaun Portu Tabesi Fc nian lori rejultadu di’ak hodi muda skor ba 1-1, liu husi jogadór Nelvio Almeida nia bola cabsada ulun,bainhira simu bola asisténsia husi João Ximenis.
Nelvio Almeida nia golu ne’e hetan mós presente furak ida ho kartaun kinur husi árbitru tanba nia halo selebrasaun golu hodi hasai nia faru iha kampu laran iha minutu 90+1.
Kartaun kinur mós ba kapitaun Portu Taibesi nian jogadór Eugebio Almeida tanba halo protestu makas ba parte árbitro sira.
Fitun Estudante Fc nafatin tenta husi liña ba liña hodi lansa mós ameasa, maibé la kona iha alvu Portu Tabesi nian bodi mantein ho skor 1-3. Nune’e to’o jogu Segunda parte termina, vitória ba Portu Tabesi Fc iha minutu ikus extra 90+1 jogadór Nelvio Almeida hodi lori Portu Tabesi skor 3-1.
About Post Author
