(DTL 13/08/2020, ekipa husi FC DIT susesu manan nia adversariu ekipa FC Aitana ho skor 2-0 iha jornada jogo amizade iha kampu DIT nian.
Tuir observsaun jornalista desportu.xyz, iha kampu DIT, nota katak, iha jogu primeira parte, ekipa husi DIT dumina liu bola hodi fo ameasa makas ba guarda rede ekipa Aitana nian, maibe ekipa Aitana nia lina kotuk (defesa), la fó fatin atu ekipa DIT hatama golu.
Hafoin jogu hetok manas liu tan entre ekipa rua, liu deit minutu balun, ekipa husi DIT nia jogadór Bonaventura Seran Kalau, ne’ebé uza kamizola númeru 44, fera kedas ekipa Aitana nia guarda rede ho skor 1-0.
Ho skor refere halo ekipa FC Aitana esforsu aán hodi fó mós amesa ba guarda rede DIT nian, maibe la rejulta golu ruma, tanba hetan salva makas husi guarda rede DIT nian.
Tan ne’e, to’o jogu entre ekipa rua halo ataka malu makas, maibe la rejulta golu ruma, to’o jogo primeiru parte remata.
Hafoin iha segundu parte, ekipa husi Aitana hahú troka nia jogador sira, hodi fó amesa makas ba rede DIT nian, ho bola ne’ebé lansa makas kona besi rim nakdoko, maibe la rejulta golu ruma, tanba bola muta sai fila fali.
Maske bola Aitana nian fó amesa ba ekipa DIT, maibe fó oportunidade nafatin ba jogador DIT nian ho naran José dos Santos Almeida, ne’ebé uza kamizola númeru 7, lori bola kedok tama husi defeza Aitana nia leet hodi hatama tan golu ho skor 2-0.
Enkuantu ho skor ne’ebe ekipa uma na’in DIT fó ba nia bainaka FC Aitana, halo nia Bainaka nafatin hatun nia jogadór sira iha jogo segundu parte nian, maibe uma na’in DIT la fó fatin atu sira hatama golu ruma. Tan ne’e to’o jogo segundu parte remata, ekipa uma na’in, manan nia bainaka FC Aitana ho skor 2-0. (Vidal).
About Post Author
