Dili-klube FC Cafe ne’ebé mai husi Munisípiu Ermera prepara ona nia jogador 25 hodi mai kompete iha jogu terseru devizaun Liga Feto ne’ebé tuir planu sei hala’o iha fulan Jullu tinan ne’e.
Sekretáriu Jerál klube Fc Cafe Ermera Emidio da Costa hatete, klube Femenina Cafe hala’o nia preparasaun fulan ida, no durante ne’e trenador sira fó trenu fokus liu bá fiziku no tatiku.
“Totál jogador ne’ebé atu bá kompete iha terseru devizaun Liga feto tinan ne’e hamutuk 25 tuir prosidementu husi Federasaun Futebol Timor Leste (FFTL) bá klube sira” tenik Emelio ba Desportu XYZ liu husi via Telefone.
Kona-ba jogu tray out ami seidauk hala’o ho ekipa profesional sira,maibé ami hala’o tray out ho estudante husi eskola Ponilala no bá oin ami sei hala’o fali jogu ho eskola sira seluk iha Munisípiu Ermera.
Nia haktuir,klube Cafe nia esperansa ba apuramentu terseru devizsun Liga feto ne’e mak premeru dudu feto sira bá iha Desportu atu nune’e sira bele sai profesional iha area Desportu,no segundu Fc Cafe Orguliho bele Partesipa iha eventu refere
Entertantu,klube Fc Cafe Ermera oras ne’e dadauk hala’o trenu iha kampu futebol antigu Ermera.
Klube 8 ne’ebé sei hala’o apuramentu Liga feto tinan ne’e mak hanesan,Fc Cafe Ermera,Fc Lakuten,Relay Lalea FC,Nature,Portu Taibesi,Wesel Fc,Uniao Tokodede no FC Pasiefico.
About Post Author
