Dili-relasiona ho inkontru ne’ebé mak Sekretáriu Estadu Juventude no Desportu Abrao Saldanha no Prezidenti Federasaun Futebol Timor Leste (FFTL) hala’o iha loron 09 fulan Agostu tinan ne’e hodi deskuti kona-ba realizasaun Liga Futebol Timor Leste Epoka tinan ne’e.
Maibé iha inkontru refere parte rua sira deskuti liu bá teknika no finanseru,no Prezidenti FFTL seidauk fó sai data fixu ba realizasaun liga tinan ne’e bá SEJD.
“Iha inkontru refere Prezidenti FFTL seidauk propoin data konkretu mai SEJD kona-ba bainhra mak atu realiza liga epoka tinan ne’e”dehan Abrao bá jornalista iha eis Sional Dili kinta ne’e.
Tuir nia katak, SEJD bolu ona Prezidente FFTL atu ko’alia ba prosesu Liga Futebol Timor-Leste, maibé prezidente imforma mai katak anivel reniuan teknika sira hahú iha ona fulan Junu entre FFTL ho orgaun LFTL.
“No reniaun refere hala’o bá dala ha’at ona,no indetika difikuldade ida mak seidauk hetan solusaun, Tanba uluk konkorda hala’o ona enkontru Try parte ho orgaun Liga hetan kontribuisaun husi Governu, kontribuisaun husi Federasaun no mos partrosinador”
Abrao afirma, husi kontribuisaun ne’e seidauk iha informasaun husi patrosinador sira nian.
Governante ne’e haklaken liu tan prezidente FFTL nian katak, iha ambitu enkontru ne’e prezidente FFTL, Francisco Jerónimo sei konvoka reniaun fila fali ho prezidente LFTL Nilton Telmo Gusmao ho klube sira hodi haree situasaun hirak ne’e atu kontinua Liga Futebol Timor-Leste epoka tinan ne’e.
Tanba reniaun teknika halo tiha ona falta de’it kestaun finanseira, maibé parte Federasaun disponivel hodi kontribui parte balun ita sei haree husi sponsor sira”, katak nia.
Entertantu, Desportu XYZ asesu iha pazina FFTL katak,orgaun LFTL mós seidauk aprezenta progresu perparasaun liga Timorense ne’ebé kalendariza ona bá iha loron 18 fulan Agostu tinan ne’e.
No mós Orgaun LFTL labele depende makas liu bá fundus husi FFTL no SEJD,maibé tenki buka patrosinador hodi bele finansia atividade orgaun LFTL nian.
Iha pazina ne’e mós FFTL mensiona katak,prontu hela atu aloka orsamentu $200.000.00 hein mós parte SEJD kompleta 200.000.00 hodi organiza liga Timorense tinan ne’e.
About Post Author
