Dili-modalidade tolu ne’ebé mak Partesipa iha Asean University Games iha Thailand, fila ona mai Timor Leste ho medalia hamutuk 4 kompostu husi osan mutin ida no osan metan tolu.
Modalidade tolu ne’ebé mak Partesipa iha Asean University Games tinan ne’e iha Thailand mak hanesan,Atleta Husi Atletismu Felisbertu de Deus hetan medalia 2 osan metan 1 no mutin 1, Volibol praya osan metan 1 no atleta Ana husi Taikwondo medalia osan metan 1.
Sekretáriu Estadu Juventude no Desportu Abrao Saldanha hateten,ho medalia 4 ne’ebé mak ita nia atleta sira lori fila husi Asean University Games mai ita nia rai ne’e hanesan governu senti orguliho.
“Husi ida ne’e ita avalia atu serbisu kontinua hodi nune’e bele hadia di’ak liu tan iha eventu tuir mai iha futuru” dehan Abrao bá jornalista iha eis Sional dili tersa (09/08)
Nia haktuir,atleta sira ne’ebé bá Sea Games no bele bá nafatin AUG tanba ita iha hanoin katak sira iha prestasun ne’ebé iha atu ajuda sira iha eventu tuir mai nafatin hatudu sira nia prestassun bele hetan tan medalia osan mean.
Maibé infelismente defikuldade balun iha individual fó inpaktu bá ita nia prestassun tun fila fali hanesan atleta Felisbertu de Deus mak mantein de’it rekor ida iha Sea Games foin lalais ne’e,nia bele hetan osan mean.
“Kona-ba modalidade Taikwondo ita perzisa apdeit de’it regras tanba uluk ema joga konta pontos,maibé agora konta ronde,entaun Federasaun perzisa hadia ida ne’e hodi bele kompete di’ak liu tan iha futuru”
Sorin seluk Atleta Felisbertu de Deus afirma, hanesan atleta senti orguliho,maske ho kondisaun cederah durante fulan ida halo ha’u para trenu .
“Hafoin rekupera husi lezaun,ha’u hala’o fali trenu semana rua, maibé ha’u senti todan oituas hodi halo la hetan medalia osan mean iha eventu refere”
Nia deklara,ha’u nia tarzetu iha Asean University Games ne’e medalia osan mean,maibé ho kondisaun ain moras entaun atleta ne’ebé ami nain rua kompete iha Sea Games ida ha’u soe nia ne’e mak agora hetan fali osan mean.
Entertantu, atelta sira ohin tun iha TL ho ailviau Air Asea iha oras 10:00 TLS.
About Post Author
