Dili-Asistente treinadór tékniku Karketu Dili Fc Elizeu Isaac lamenta ho árbitru sira nian, tanba konsidera bola falta husi nia ekipa la foti desizaun.
Tanba ne’e nia konsidera Karketu Dili Fc ho nia jogadór 11 hasoru hela Assalam nia jogadór 12 aumenta ho árbitru tanba nia desizaun la neutru.
“Ami sente árbtru mak estraga jogu ne’e, tanba falta sira ki’ik oan ne’e la tau atensaun, entaun ami sente hanesan ami hasoru jogadór 12 husi Assalam, tanba aumenta ho árbitru”. Dehan Elizeu iha konfrénsia imprensa iha stadium Munisipal dili, Domingu (21/11).
Elizeu mós afirma, nia parte kestiona asuntu ne’e no sei halo karta rekursu ida atu protesta ba desizaun árbitru nian tanba fó kartaun kinur ba nia jogadór sira la justu.
Nia mós informa, sei prepara no sei halo adaptasaun jogadór lokal no estranjeiru sira atu treinu hamutuk hodi hadia tan liña balun.
Iha fatin hanesan treinadór Assalam Fc Adu Namiruru hateten, iha jogu primeira parte sira falla, maibé jogu segunda parte hadia liña malun sira konsege hatudu jogu di’ak.
Ohin ne’e ami nia liña sorin- sorin mak crossing bola mak defisíl no defeza mós la kontrola bola halo ema hatama golu. Treinadór ne’e mós triste ho bola ne’ebé monu oportunidade barak, maibé nia jogadór sira la aproveita ho di’ak atu hatama golu.
About Post Author
