Dili-Iha konfrénsia imprensa segunda (22/11) ne’e, ekipa rua fó presaun ba malu ho hanesan tanba DIT Fc hakarak manan jogu aban ho skor 2-0 ba Ad-SLB, maibé Ad-SLB Laulara mós hakarak manan hodi rekolla pontus tolu 3.
Iha konfrénsia imprensa asisténte treinadór DIT Fc Jacinto Freitas hateten, sira optimista aban sira sei manan Ad-SLB Laulara.
Asisténte treinadór ne’e informa, ho formatu ne’ebé antes iha hanesan 4-3-3 ne’e sei iha mudansa.
Nune’e mós kapitaun DIT Fc nian Feleciano Golsalves hateten, aban sira hakarak manan jogu ne’e hodi sira labele tama iha liña mean.
“Aban ami hakarak manan Ad-SLB Laulara ho skor 2-0”. Dehan kapitaun ne’e. Hateten kapitaun ne’e iha edifisíu LFTL.
Iha fatin hanesan, Sekretáriu jerál Ad-SLB Laulara Domingos Caeiro hateten, Ad-SLB la iha presaun nia laran tanba iha jogu dahuluk sira halo impata.
Se jogu ne’e to’o hotu mak ami impata de’it mós di’ak ona, nune’e labele tun ba segunda devizaun, maibé ami tenta para manan.
Nia mós dehan, aban Ad-SLB Laulara sei la fó fatin ba DIT atu manan iha jogu refere, tanba nia garante nia treinadór sira durante ne’e halo ona observasaun atu muda tátiku no tekníku atu muda iha jogu nia laran.
Iha jogu dahuluk kontra Aitana Fc, ami nia jogadór Kornelis Portela tun iha jogu segunda parte, ita hare jogu di’ak.
Sekretáriu Jerál Ad-SLB Laulara ne’e mós informa, dadaun ne’e jogadór sira ne’ebé haforsa nia ekipa, iha de’it jogadór junior sira.
Ami nia jogadór junior na’in 7 mak haforsa hela ita nia selesaun nasionál Timor Leste nian, ne’ebé joga hela iha Suzuki Cup.
Tanba ne’e nia parte, konsidera Ad-SLB triste boot ida tanba jogadór selesaun di’ak sira seidauk fila hotu.(Vidal).
About Post Author
