Dili- Treinadór ekipa Ad-SLB Laulara Efrem Jerónimo hateten, nia jogadór la’os performe tun liu iha jogu kontra Assalam Fc, maibé golu ne’ebé ekipa adversáriu hatama iha primeira parte halo nia jogadór sira nia mentalidade tun atu responde hikas golu.
Treinadór ne’e mos rekoñese, iha jogu segundu parte mós sira defisíl atu responde golu ho lais tanba hafoin tama jogu Assalam hamate kedas mentalidade Ad-SLB nian.
“Golu primeira parte ne’e halo jogadór Ad-SLB nia mentalidade monu, no tama segunda parte mós hanesan, entaun tenki esforsu joga tiha mak foin reaponde hikas golu”. Hateten treinadór ne’e iha stadium Munisipal Dili, Sexta (10/12).
Enkuantu defeza Ad-SLB nian Filipe (24) ne’ebé sai save liña metin iha ekipa, ohin sai fali suplentu iha jogu kontra Assalam Fc.
Tan ne’e treinadór Ad-SLB nian deklara, la’os la hatun Filipe iha jogu primeira parte, maibé tanba jogadór refere nia kondisaun la permite.
Filipe la’os nia kondisaun di’ak, nia kondisaun saude moras hela tan ne’e mak ami hatun nia iha jogu segunda parte.
Treinadór ne’e afirma, jogu entre Assalam Fc ohin hatudu jogu di’ak tebes, maibé espíritu jogadór Assalam nian mak ohin hatudu aas tebes.
Iha fatin hanesan, presidente Assalam Fc Hipolito Soares hatetn, ohin falla mós iha sira nia liña deefeza hodi halo sira sofre golu.
Nia hatutan, ohin halo subtituisaun ba nia jogadór sira atu mantein ho pontus tolu.
Ohin ami hatun iha mediu ne’e atu haforsa tan defeza, maibé parte defeza mak la fogus hodi halo ekipa adversáriu aproveita hodi produs golu.
Iha segundu parte sira domina duni bola, nune’e hodi dada sai ami nia jogadór avansadu ida hofi haforsa tan linña defeza.
Kapitaun Assalam Fc Almerito da Silva rekoñese, ohin sira falla iha parte defeza nune’e halo ekipa adversáriu aproveita hodi produs golu.
About Post Author
