Dili- Oportunidade ba ekipa As Ponta Leste nian mehi hakarak sai kampeaun iha jogu Liga Timorense époka tinan ne’e, mihis ona tanba iha jornada daneen ne’e halo impata entre Assalam Fc ho skor 1-1 hodi fahe pontus 3 ba malu.
Asistente treinadór As Ponta Leste Edy Fernandes hateten, fatin atu sira hetan tikete hodi sai kampeaun époka tinan ne’e sei iha oportunidade, maske fahe pontus 3 ho Assalam Fc.
“Maske ami impata, maibe sei iha oportunidade, tanba sei hare ekipa seluk nia jogu hakarak kampeaun ne’e sei iha, karik sira derrota, oportunidade ba sei iha”. Hateten Edy Fernandes iha stadium Munisipal Dili, Kinta (16/12).
Asistente treinadór ne’e rekoñese, maske iha jogu jornada daneen ne’e sira nia jogadór sira ne’ebé antes ne’e ba haforsa hela ekipa selesaun nasional Timor Leste nian iha jogu AFC no jogu Suzuki Cup no ohin haforsa sira ekipa labele hatudu jogu di’ak tanba foin to’o ohin, nune’e labele hatudu jogu di’ak tanba kolen.
Ami nia jogadór nain tolu ne’ebé foin mai ho kondisaun kolen, entaun hatun sira iha jogu segunda parte, tanba ami fiar nafatin ami nia jogadór sira ne’ebé antes ne’e joga ona, no ami tenta muda tatiku jogu maibé la konsege, hafoin jogu segunda parte muda fali foin hetan ritmu jogu. Nia dehan.
Nia dehan, iha jogu primeira parte sira lidera uluk golu, maibé iha jogu segunda parte sira impata tanba falla husi nia baliza rasik.
Iha fatin hanesan treinadór Assalam Fc Adu Margues hateten, maske ohin sira nia jogadór sira ne’ebé tama iha lista selesaun nasional Timor Leste nian ba joga iha Suzuki Cup fila ohin joga labele hatudu performe di’ak tanba foin halo viagem to’o mai.
Ohin sira to’o mai tuku 11 ida hanesan ne’e, no loraik ne’e joga kedas, ne’ebé sira kole.
About Post Author
