DILI – Ekipa futeból Fitun estudante Loro sa’e (FIEL) halo ona preparasaun hasoru kompetisaun futeból rai laran ne’ebé sei organiza iha fulan Agostu nia laran.
“Ami koko treinu dadeer-dadeer,” haktuir treinadór FIEL, Antonio Gomes ba mídia Desportu iha kampu Lalenok, segunda (21/07).
Nia haktuir, hasoru Kopa FFTL, FIEL arranja ona jogadór lubuk maioria mai ho idade joven mai hosi sekundáriu no balun pre sekundáriu sira.
“Ha’u sente ami nia ekipa kompletu ona” afirma treinadór ne’e hafoin ninia ekipa halo jogu amigavel ho ekipa lalenok FC, iha inísiu semana ne’e.
Nia dehan jogadór kuaze kompletu, so guarda rede maka sei menus.
“Ha’u kontente tanba rezultadu di’ak no ami maka domina liu bola,” tenik treinadór ne’e ho fiar an tanba mezmu FIEL iha divizaun kraik hatudu ona jogu di’ak no domina bola hasoru ekipa divizaun primeiru hanesan lalenok.
FIEL ninia partisipasaun iha Kopa FFTL ne’e atu fó fatin ba jogadór barak ne’ebé ekipa boot sira iha liga LFA la uza. Nune’e bele halo preparsaunu kadernizasaun ba jogu tuir mai. (Desportu Timor-Leste).
About Post Author
