DILI-hafoin derota iha segundu ronde kontra Francisco Jeronimu iha kongresu da hitu Federasaun Fútebol Timor Leste (FFTL) periudu 2022-2026, maibé Nilton Gusmão nafatin apoiu hodi ajuda dezenvolve Fútebol La’o diak no ba oin.
Iha primeru ronde ba kongresu da hitu FFTL periodu 2022-2026, Francisco Kalbuadi Lai hetan votus 5, Francisco Jeronimu votus 9 no Nilton Gusmão hetan votus 7.
Maibé kandidatu tolu ne’e laliu bareira tanbá tuir estatu FFTL kandidatu ida tenki hetan votus to 14 tanbá ne’e komisaun eletoral desidi kandidatu tolu ne’e hakat ba segundu ronde.
No kontinua ba segundu ronde kandidatu Francisco Kalbuadi Lay desidi retira husi nia kandidatura hodi fo ba kandidatu Francisco Jeronimu no Nilton Gusmão.
Maibé iha segundu ronde Francisco Jeronimu sai hanesan eleitu ba prezidenti FFTL 2022-2026 hafoin hetan votus 11 no Nilton Gusmão hetan deit votus 10.
Tuir Nilton Gusmão katak, hau hanoin tuir prosesu demokrasia mak la’o hanesan ne’e tanbá iha elisaun iha ida manan no ida lakon, maibé hau kongratula nafatin Francisco Jeronimu sai hanesan eleitu iha kongresu refere.
“ita buka nafatin hodi tau liman hamutuk atu ajuda Fútebol ne’e lao ho diak liu tan” relata Nilton Gusmão ba jornalista sira iha Otel Novo Turismu Lecidere sabadu (26/02)
Hanesan prezidenti Liga Fútebol Timor Leste (LFTL) hau kontinua hala’o hau nia aktividade iha liga i koperasaun liga nian kontinua ho FFTL atu nune’e Fútebol labele para.
Iha sorin seluk kandidatu Francisco Kalbuadi Lay afirma, primeru hau kongratula ba prezidenti eleitu Francisco Jeronimu no mos ba Nilton Gusmão tanbá hanesan imi hatene dehan estatutu hato’o ona katak sei karik mak laiha kandidatu ida mak bele hetan dois tersu signifika kongresu ohin la jadi no naruk tan i bele adia.
“iha tempu ida ne’e tempu defisil iha covid i hau mos hanesan prezidenti kompetisaun AFF no vice prezidenti i hau hare maluk sira mai husi FIFA no AFC hodi fo solusaun diak tanbá ne’e diak liu hau retira a’an hodi ba sira nain rua compete”
Nia haktuir, ida ne’e mak manan hanesan prezidenti eleitu Francicos Jeronimu, entaun hau apoiu nafatin nia ba oin i apoiu Fútebol Timor nia ba oin naftin.
“hau kongratula ba komisaun eleitoral no mos hau nia maluk FIFA no AFC, Asosisasaun sira hotu i ba oin Fútebol ne’e tenki hamutuk nafatin no hadomi Fútebol”
Nia mos kongratula ba jogador selesaun nasional sub 23 i ba mos maluk sira ne’ebé mak antes ne’e apoiu maka’as ba jogador sira no ba inan aman sira hotu.
Iha estrutura foun tenki ejezi profesionalismu tanbá ita labele kahur tanbá ba oin hau apoiu nafatin FFTL liu husi aktividade saida deit.
About Post Author
