Dili (20/8/2020) Desportu-prezidente Federasaun Futebol Timor Leste Francisco Jeronimo hatete objetivu realiza copa FFTL tinan ne’e atu promove juventude no dezenvolvimentu desportu iha Timor.
Tuir prezidente FFTL katak inisiativa atu hari kopa FTTL iha fulan ida ne’e tuur hamutuk antes ona hodi konsege realiza duni jogu refere.
“Ohin ita realiza copa FFTL ida ne’e ho nia objetivu atu promove futebol liuliu ba joven sira ne’ebè mak gosta futeból no mos juven barak mos agora ne’e sei hela,”
dehan Francisco Jerónimo ba jornalista iha Stadiun munisipal Dili kinta (20/8/2020).
Nia haktuir iha tinan ida ne’e nasaun no mundu tomak hasoru hela pandemia Covid 19 halo aktividade hotu paradu liuliu desportu, tanba ne’e mak federasaun hamosu fali copa FFTL atu hamanas fali joven sira nia ain hodi anima fali adeptos ne’ebè mak hadomi bola.
“Ha’u nia parabéns ba ekipa rua ne’ebé mak abertura jogu copa FFTL hodi selebra tinan 45 loron FALINTIL tinan ida ne’e atu kontribui futeból ba dezenvolvimentu iha ita nia rai tuir ita nia heroi sira husi hela ba ita.
“Ita hakarak ema hotu asiste jogu copa FFTL tinan ne’e ho kontente,atu it abele hahu ona dezenvolve futebol iha Timor Leste hodi hatudu ba nasaun seluk ita mós bele,” (Eugenio)
About Post Author
