Dili-ohin Confederasaun Desportu Timor Leste (CDTL) hasoru malu ho Premeru Menistru Taur Matan Ruak hodi informa dezenvolvimentu Desportu iha Timor Leste.
Prezidenti CDTL Macario Sanches kasu lia hirak ne’e ba jornalista sira hafoin remata inkontru ho Premeru Menistru iha resedensia Farol tersa (07/06)
“Ohin biban ida ne’e ami hasoru Premeru Menistru atu partiliha dezenvolvementu Desportu iha TL, no esplika mós CDTL durante ne’e halo saida iha TL.
Nia haktuir,ho esplikasaun sira ne’e, Premeru Menistru Taur Matan Ruak kontenti los tanba ita iha rekursus limitadu,maibé ita liu prosesu balun no bele lori Bandeira TL semo iha rai seluk.
Tanba ne’e ohin ami husu bá governu atu investe tan dezenvolmentu Desportu iha TL.
“PM mós fo oreintasaun klaru hodi husu bá CDTL atu iha planu ida di’ak hodi hatudu nafatin prestasaun di’ak mai TL”dehan Macario
Aleinde ne’e mós PM orguliho no kontenti los ho resultadu ne’ebé mak ita nia atleta nain 4 husi modalidade tolu ne’ebé hetan medalia iha eventu Sea Games tinan ne’e iha Vietnam.
Entertantu, CDTL sei kontinua nafatin atu hala’o inkontru kortezia ho líder nasionál sira no bá ema sira ne’ebé mak influénsia dezenvolvementu Desportu iha TL.
About Post Author
