DILI-hafoin Boavista Fc de Timor desidi hodi Lapartesipa Iha Liga Fútebol Timor Leste epoka 2021,halo Patrosinador kompania Katuas Patricio UNIP.Lda fila hodi sai Patrosinador ka sponsor foun ba klubu Karketu Dili Fc ho naran istimadu Matak Malirin.
Vice prezidenti Karketu Dili Fc Luis Olivera Obrai hateten,ohin ami iha akordu ida entre klubu Karketu no sponsor foun ida husi kompania Katuas Patricio ne’ebé mak antes ne’e ba hamutuk hela ho klubu Boavista,maibé klubu refere desidi la joga iha tinan ida ne’e.
“ho ida ne’e mak ami hamutuk ho estrutura Karketu mai koalia ho deritor kompania Katuas Patricio atu mai hamutuk ho ami laos iha tinan ida deit,maibé sai hanesan familia bo’ot Karketu”dehan Luis Obrai iha pres konfres ne’ebé mak halao Ai Meti Laran DIT tersa (09/11)
Nia dehan,ohin ami laos koalia konaba sponsor Katuas Patrocio atu tama mai,maibé ami koalia kedas oinsa mak nia atu prense fatin ruma iha estrutura hodi sai nain mos ba Karketu.
Tuir patrosinador Zeto Patricio afirma, hau apresia tebes ba ekipa Karketu ne’ebé fo biban ba konsederasaun maximu mai kompania Katuas Patricio no hau rasik simu sira nia aprosimasaun ne’e hau hare liu ba klubu Karketu hanesan klubu ida juven barak liu.
Klubu Karktu nia symbol Timor Leste no signifika Karketu Dili rai nain,tanbá hare ba ami nia jerasaun laos juven ona.maibé hanesan jerasaun kontinuador hare juven nia animu iha parte desportu hodi dame fo liman ba malu hanesan nasaun sira seluk sira halo.
“konaba dezisaun hau nian hodi muda mai Karketu sai hanesan Patrosinador,tanbá Boavista la tuir ona LFTL epoka tinan ne’e no hau hakarak kontinua fali iha Karketu hodi anima fali labarik sira iha desportu”
Nia haktuir,kuandu iha klubu ruma para parese iha problema ruma ita lakoi koalia sai hodi hare tok saida mak halo labarik sira animu ba desportu para,tanbá ne’e hanesan sponsor Timor oan ida hakarak juven sira nia talentu ba oin tenki kontinua nafatin ba klubu seluk.
Prezidenti klubu Karketu Dili Fc Jose Adilson Riberu hatutan,Karketu mai ho grupu ida bolu sociu ne’e halibur impresario ne’ebé mak iha intrese hakarak dezenvolvementu Fútebol iha ita nia rai ami hatama iha sociu nia laran.
Objetivu husi Sociu ne’e nia serbisu mak perpara orsamentu ba klubu,foti dezisaun ba klubu no prense fatin sira ne’ebé a’as iha klubu laran,tanbá ne’e ami senti perzisa duni enprezario nia apoiu finansial ba klubu.
About Post Author
