Dili-(Desportu XYZ) Asosiasaun 14 prontu ona apoiu Eis prezidenti Liga Futebol Timor Leste LFTL Nilton Telmo Gusmao bá Kandidatu Prezidenti Federaasaun Futebol Timor Leste FFTL ne’ebé mak sei realiza iha fulan Setembru tinan ne’e hodi subtitui Francisco Jeronimu.
Asosiasaun 14 ne’ebé mak sei apoiu Nilton bá prezidenti FFTL mak hanesan, Asosiasaun Baucau, Bobonaru,Liquisa,Lospalos,RAEOA, Viqueque, Manatutu,Manufahi, klube Premeru devizaun, Arbitrazen,Trenador,Centru Juvenil, ,Femenina no seluk tan.
Tuir prezidenti Asosiasaun Futebol Munisípiu Bobonaru Domingos Boavia informa, públiku hotu hatene katak ita nia Federaasaun iha problema no FIFA mós tau matan hela bá problema ne’e tanba ne’e ita sei halo fila fali kongresu estra Ordenariu iha fulan Setembru tinan ne’e hodi hili fali prezidenti foun hodi lidera FFTL.
“Tanba ne’e ami perpara hela pakote ida mak hanesan eis prezidenti LFTL Nilton Telmo Gusmao bá Kandidatu Prezidenti FFTL”afirma Domingos bá jornalista sira,hafoin Partesipa iha Teknikal meting Taca Esperansa ne’ebé mak hala’o iha Hotel City 8 Domingu (27/08)
Domingos haktuir, Nilton Gusmao sei avansa ho Xefe Estadu Maior Jeneral F-FDTL Tenenti Jeneral Falur Rate Laek no mós hanesan Vice Prezidenti FFTL.
“Ohin Asosiasaun 14 hala’o inkontru iha Hotel JL Vila hodi ko’alia kona-ba apoiu ami nian bá Nilton Gusamao hodi kandidatu nia bá prezidenti FFTL” nia esplika
Razaun fundamental Asosiasaun 14 nia apoiu Nilto Gusamao kandidatu bá Prezidenti FFTL ne’e tanba hakarak halo mudansa bá Futebol iha Timor Leste tanba ne’e tenki hili jerasaun foun no mós iha hanoin foun atu dezenvolve Futebol.
Tanba ne’e kongresu iha fulan Setembru tinan ne’e ami fiar Nilton sei manán mutlak tanba Asosiasaun balun ohin kontaktu ami hakarak mai hamutuk hodi lori Nilton bá kandidatu.
Sorin seluk eis prezidenti LFTL Nilton Gusmao deklara katak, ha’u prontu kandidatu ba prezidenti FFTL tuir Asosiasaun sira nia hakarak. “Ha’u prontu iha saida de’it ne’ebé ema perzisa ho hau nia enerjia bele hadia buat balun,maibé hanesan ha’u dehan ona depende ba deretu de votus”
About Post Author
