DILI – Ekipa promovidu segundu devizaun As Marca halo istória iha copa Federasaun Futebol Timor Leste FFTL iha grupu B hafoin halakon Atlétiku Ultramar 2-0, hodi loke dalan ba sira atu hadau malu ba 8 finais.
Tuir treinadór As Marca, Romão Guterres hatete vitória ne’ebé mak As Marca hetan iha jogu kontra Ultramar hanesan priviléjiu ida ba sira ninia ekipa.
“Vitória ne’ebé mak hetan husi Ultramar loke dalan ba As Marca hodi atu buka dalan ba 8 finais”deklara Romão ba jornalista iha estadion munisipal Dili kinta (17/09)
Nia dehan vitória ida ne’e halo sira atu aprende katak ekipa foin mak promovidu mos lakoi lakon ho ekipa forte sira iha premera devizaun Liga Futebol Timor Leste FFTL.
Ekipa Atlétiku Ultramar hanesan falun sira atu prepara di’ak liu tan atu hasoru ekipa forte sira iha jogu tuir mai.
“Iha jogu rua kontra Nagardjo no Fitun Estudante ami bele dehan katak As Marca la hakfodak tanba jogu 90 minutu mak determina,” afirma eis treinadór Kablaki FC ne’e. (Eugenio)
About Post Author
