Dili – Ekipa Fc Portu Taibesi, hanesan ekipa kandidatura forte atu hakat ba oitavu finais, maibé obrigadu tanba hela, no labele hakat ba oitavu finais, tanba fahe tiha pontu tolu, bainhira hasoru ekipa Akádemika Fc.
Portu Taibesi manan dala rua husi ekipa Karketu Fc no Aitana Fc, lakon dala ida hasoru Sporting Fc de Timor no empata dala ida, iha jogu ikus kontra Akádemika Fc, tan ne’e nia iha deit pontu hitu (7) no labele hakat ba faze oitavu finais, tanba Sporting Fc de Timor pontus liu nia.
Iha jogu ikus Fc Portu Taibe kontra ekipa adversáriu Akádemika Fc, iha stadium Munisípal Dili, Sabádu (10/10/2020), rejultadu jogu iha minutu ‘90’, hodi deside ekipa rua tenki fahe pontu tolu, hodi halo Portu Taibesi labele hakat ona ba faze oin.
Tan ne’e treinadór Fc Portu Taibesi Luis Simões haktuir, nia parte hakarak hakat ba faze oitavu finais, maibé rejultadu jogu iha minutu ‘90’ hatudu oin seluk ba nia ekipa.
“Rejultadu hanesan ne’e ita tenki simu, tanba jogu iha balu manan, balu lakon no balun tenki impata, ne’ebé rejultadu hatudu ami impata duni”. Dehan nia iha stadium Munisípal Dili.
Tanba ne’e, treinadór ne’e promete, sira nafatin prepara atu hodi hasoru jogu 12 de Novembru sei akontese iha fulan oin mai.
Enkuantu jogador ho númeru kamizola 15 Armindo de Almeida, ne’ebé hanesan mós man of the match mós kontente ho titúlu ne’ebé nia hetan.
Nia mós rekoñese, iha falansu balun hodi rejulta jogu entre ekipa adversáriu hodi fahe tiha pontu tolu, liu husi skor 2-2. (Vidal).
About Post Author
