Dili – Klubu walu iha semana oin sei kompete iha oitavu finais, ne’ebé sei realiza jogu iha Stadium Munisípal Gleno-kafé Ermera, iha loron Kinta 15 semana oin, fulan Outubru tinan ne’e.
Tuir Komisariu jogu kopa FFTL tinan ne’e, Martinho Ribeiro deklara, iha klubu walu mak sei hakat ba faze oitavu finais, hodi hala’o jogu iha stadium munisípal Gleno-kafé Ermera iha semana oin.
“Husi grupu A, Lalenok United hanesan kampeaun grupu no Assalam hanesan runer up, grupu B AS Ponta Leste hanesan kampeaun grupu no AS Marca runer up, grupu C, Karketu Fc kampeaun grupu ho Sporting Fc de Timor runer up no grupu D, AD.SLB Laulara kampeaun grupu ho Boavista Fc de Timor”. Dehan nia iha konfrénsia imprensa iha stadium loron Munisípal Dili-Sabádu (10/10/2020).
Nia afirma, jogu ba oitavu finais sei hala’o iha Stadiu Munisípal Gleno Kafé Ermera, iha loron Kinta (15/10) to’o Domingu (18/10) semana oin.
Tanba ne’e, nia haktuir, iha Kinta, (15/10) Lalenok United hasoru AS Marca, iha loron (16/10), AD.SLB Laulara hasoru Sportin Fc de Timor, loron (17/10),
Karketu Fc Dili hasoru Boavista de Timor, no loron (18/10), AS Ponta Leste sei hasoru Assalam Fc. (Vidal).
About Post Author
