Dili-Hafoin dada sorteio ba klube 7 husi primeira divizaun, iha jogu apuramentu monu ba Aitana Fc kontra Karketu Fc ho naran estimadu (Matak Malirin), ne’ebe sei hahú iha loron 12 fulan Novembru tinan ne’e.
Tanba ne’e, vice president Aitana Fc João Semantha hateten, nia esperansa nia ekipa sei hetan vitória kontra Karketu FC, iha jogu abertura ne’e.
“Joga iha abertura ne’e hanesan oportunidade, tanba iha tinan rua nia laran ami iha deit segundu divizaun, hafoin sa’e ba primeira divizaun, tanba ne’e sei esforsu-áan atu prepara di’ak liu tan”. Hateten vise president ne’e iha salaun hotel D’City Vila Verde, Segunda (25/10).
Nia mós informa, daudaun ne’e sira iha jogadór estranjeiru na’in hat no balun husi eis jogadór ekipa Boavista Fc, tanba ne’e, ho jogadór foun sira ne’e, iha esperansa bot sei manan Karketu Fc iha jogu abertura.
Bola ne’e kabuar, atu dehan manan mós mak duni ona, atu lakon mós tenki simu realidade.
Nune’e mós diretór tékniku Karketu Fc, Antonio Timoteo espresa, nia ekipa preparadu atu hasoru ekipa adeversáriu.
Jogadór karketu ne’e preparadu, preparadu la’o ida mai foin hadi’a ne’e lae! prepara ida mai atu joga. Nia mós informa, Karketu iha ambisaun bot hakarak sai kampiaun iha époka tinan ne’e.
About Post Author
