(DTL, 09/08/2020,) FC Maranata hili ema la sala, basá futebolistá Deonisa Barreto husi klubu Maranata lori hosi munisípiu Aileu hamosu rezultadu di’ak iha liga futeból femenina tinan 2020.
Joga iha jornada 4, Maranatha hasoru São Jose, ne’ebé baze iha ai-mutin Futebolistá ho numeru 17, iha klubu Maranata ne’e, kontente, bainhira hetan titúlu hanesan top score (golu barak) iha liga femenina nian.
“Hau kontente los, tanba hetan top skor iha tinan ne’e”. Hateten nia, bainhira remata jogo entre São José iha kampu Demokrasia, Domingu (09/08).
Durante jogo iha liga femenina ne’e, Futebolistá Maranata ho numeru 17 ne’e hatama golu barak liu, hamutuk golu 17.
Antes ne’e, nia mos joga iha FC Nicolau Libato-Aileu, no depois ba joga fali iha klubu Maranata to’o hetan top Skor provizóriu iha liga femenina tinan ne’e.
Ho kampeaun ne’ebe nia hetan,fó mos nia mensajen ba feto maluk sira katak, bainhira iha talentu fotebol labele subar iha kotuk, maibe hatudu iha públiku nia matan atu haree.
“Hau nia mensajen ba kolega feto sira, karik balun iha talentu hanesan hau, hatudu tok an ba”. Hateten nia.
Tan ne’e, jogadór ne’e promete, hakarak ba futuru sai jogadór ne’ebe diak liu tan iha nivel nasional. Iha liga femenina ne’e nia hamutuk ho FC Maranata durante tinan ida hodi haforsa iha lina oin.
Nia mós laos sai deit top score iha liga feto tinan ne’e, maibe antes ne’e sai ona kampeonatu iha liga Lú-Olo kup iha tinan kotuk liu ba.
Ho titúlu dahuluk ne’ebe nia hetan, halo klubu feto sira iha interese atu foti. Tan ne’e, klubu Maranata iha interese foti kedas jogadór Deonisa hodi haforsa iha nia klubu iha lina oin. (DTL).
About Post Author
