DILI-(Desportu XYZ) Federaasaun Futebol Timor Leste (FFTL) apoiu fundus 40.000 bá Asosiasaun Futsal Timor Leste hodi realiza liga Futsal premeru devizaun no segundu devizaun iha loron 4 fulan Agostu tinan ne’e.
Sekretáriu Jerál AFTL Fernando da Silva, hateten sorumutu ida ohin ne’e ko’alia kona-ba ajenda importante hanesan loke janela transferensia no realiza liga iha tinan ne’e tanba ita hotu hatene esko aprova ona iha semana kotuk entaun ita mós tenki bokan ona.
“Kona-ba orsamentu bá realiza liga Futsal ne’e FFTL liu husi esko aprova ona orsamentu hamutuk 40.000 tanba ne’e liga Futsal sei hala’o iha loron 4 fulan Agostu tinan ne’e” afirma Sekretáriu Jerál AFTL bá jornalista sira iha salaun Xanana Sport Centter kuarta (07/06)
Fernando dehan, maske aprovasaun ne’e la koresponde 100% husi proposta ne’ebé mak AFTL supmete bá,maibé hanesan komitmentu ne’ebé mak AFTL no Klube sira iha katak ita labele hein buat hotu 100% maibé ita komesa hodi hein buat balun ne’ebé sei mai.
Tanba FFTL mós ita komunika ona para oinsá injenta tan fundus balun i AFTL mós buka hela apoiu balun husi li’ur atu nune’e tuir ona ita nia Kalendariu tentativa ne’ebé mak ohin ita desidi hamutuk ona ho klube sira.
“Ohin ita desidi ona Kalendariu bá hahú liga Futsal iha loron 4 fulan Agostu tanba hetan ona konkordansia husi Klube sira” nia esplika
Janela transferensia sei hahú iha loron 12 fulan Juñu no sei termina iha loron 29 fulan Jullu tinan ne’e.
Sekretáriu Jerál ne’e afirma,Sistema bá Liga ne’e rasik, tuir proposta ne’ebé mak ita submete antes bá FFTL katak,premeru devizaun sei hala’o jogu dua putaran,maibé ita hare kapasidade orsamentu entaun ita hala’o satu puturan.
“Ha’u hanoin orsamentu 40 mil ne’e la sufisiente, maibé ha’u tenta ona ho Sekretáriu Jerál FFTL atu bele apoiu tan fundus balun”
Nia haktuir, klube sira sei hetan finansial soport,premeu do jogu no premeu bá kampiaun.
Sorin seluk, prezidenti klube primeiru devizaun Mushila Aquing Ung, reafirma ida ne’e mak ami klube sira hein tanba semana kotuk ha’u halikalar ikus mai falun duni AFTL.
“Ami hakilar tanba liga ne’e paradu kleur tanba jogador sira mós agora bá hotu rai li’ur entaun sei mak atu reprezenta ita nia Nasaun bá joga iha nivel internasionál”
Prezidente klube Mushila ne’e saleinta, kona-ba perparasaun agora ami foin atu halo perparasaun tanba jogu sei hahú iha fulan Agostu tinan ne’e entaun tempu ne’e badak tebes.
AFTL Hetan Apoiu 40 Mil Husi FFTL Bá Realiza Liga Futsal Iha Fulan Agostu
Dili-(Desportu XYZ) Confederasaun Desportu Timor Leste (CDTL) atribui Certifikadu apresiasaun bá Federasaun 3 ne'ebé mak hatudu ona Prestasaun iha eventu internasional Sea Games mak...
