(DTL, 08/08/2020, Ekipa FC Akademika hahú halo treinamentu ba preparasaun jogu futtebol kopa FFTL sei akontese iha tinan ne’e.
Tuir treinadór FC akademika Salvador Tomas Guterres hateten, treinamentu ne’e hanesan faze preparasaun ba kopa FFTL sei akontese iha tinan ne’e.
“Hau hanesan treinadór foun iha FC Akademika, nune’e mós jogadór sira ne’e mós maioria mai husi klubu seluk hanesan Ultramar no Fc Kakusan, akumula hotu iha FC Akademika nian”. Hateten nia ba jornalista sira iha kampu demorasia, Sabado (08/08).
Tanba ne’e, nia deklara tan, jogadór Akademika sei sufisiente atu tuir kompetisaun jogo kopa FFTL iha tinan ne’e no liga sira seluk tuir mai.
FC Akademika nia treinadór sufisiente atu tuir kompetisaun iha kopa FFTL tinan ne’e.
“Ami foin halo treinamentu fulan ida ona, no jogadór hamutuk 24”. Nia hateten.
Enkuantu nia reforsa, sira nafatin uza jogadór lokal sira iha rai laran atu haforsa Fc Akademika iha kopa ba tinan ne’e.
Anstes ne’e ne’e Salvadór Tomas Guterres hanesan mos treinador iha Fc Kakusan, tan ne’e nia remata nia misaun iha FC Kakusan hodi haforsa fila fali FC akademika ba tinan ne’e.
Enkuantu treinadór ne’e esplika, jogadore Akademika maioria mai husi FC Kakusan tanba sira tun tiha ba 30, divizaun, nune’e jogadores sira namkari, entaun sira barak mak fila haforsa fali FC Akademika, tanba hare ba eis treinadór ne’e.
Eis treinadór kakusan ne’e mos hateten, treinamentu ne’e laos iha esperansa ba oin atu manan, maibe atu kompete deit, tanba klubu sira agora ne’e mos mesak jogadores mesak diak.
“klubu sira ne’ebe diak ne’e tanba sira tama iha 10no 20 liga mak agora daaudaun atu tama ba kompete iha kopa ne’e rasik.
Nia mos reforsa, durante sira fó treinamentu bba jogadores sira, hare sira prestasaun baibain deit tuir tékniku ne’ebé sira iha. (Vidal).
About Post Author
