Dili-(Desportu XYZ) Asosiasaun Futebol hamutuk 11 husu prezidenti Federasaun Futebol Timor Leste FFTL Francisco Jeronimu atu resigna’an husi nia kargu nu’udar prezidenti tanba laiha kapasidade atu lidera Federasaun Futebol iha rai doben ida ne’e.
Ezijensia sira ne’e hato husi Asosiasaun Futebol hamutuk 11 mak hanesan, Asosiasaun Futebol Ainaro,Manufahi,a’Asosiasaun Dili Leste, Asosiasaun Viqueque,Ass. Lautem, Manatutu, Aileu, Asosiasaun Dili Oeste, Asosiasaun Arbritazen,Campiaun premeru devizaun no Kampiaun segundu devizaun.
portavos Anicetu Berlelo haktuir,Futebol Timor Leste hasoru dezafiu ne’ebé seriu i perzisa asaun imidiata husi parte hotu para bele asegura,hanesan públiku Kestiona dadaun ne’e katak,tansa Futebol hakdasak no liga la la’o.
“Ho pergunta refere soke makas los ita nia fuan nu’udar ema ne’ebé prátika no hadomi Futebol iha rai ne’e tanba tinan ne’e hanesan dezastre bo’ot bá Futebol tan ne’e prezidenti tenki resigna’an husi nia kargu”tenik portavos liu husi konferensia inprensa ne’ebé mak hala’o iha estadiun munisipal Dili kinta (27/10)
Tuir Anicetu katak,atual prezidenti FFTL halo nia promesa falso iha kongresu iha fulan Fevereiru 2022 liu bá katak,sei hala’o terseru devizaun iha Munisípiu, Trenador selesaun nasionál resigna’an tanba FFTL la selu nia salariu.
“Orsamentu insentivu bá jogador seidauk, selesaun nasionál Sub 17 bá Partesipa iha qualifikasi Ásia no subsidu bá Asosiasaun Munisípiu atrasa fulan tolu ona komesa husi fulan Agostu to’o agora.”
Prezidente Asosiasaun Arbritazen ne’e mós kondena makas bá pesoal ne’ebé polísia detein no borgol tanba halo krimi mais agora dadauk servisu fali tan iha FFTL.
Nia sublina liu tan,mandatu tinan ida ona maibe realidade atividade Desportu hotu kuaze paradu totál.
‘Ohin dader ami mai tur iha ne’e atu husu prezidenti FFTL karik iha fuan bá Futebol entaun lalika liu husi kongresu i di’ak liu resigna’an de’it ona tanba ami Asosiasaun 11 ne’e laiha ona fuan bá prezidenti FFTL”
Fatin hanesan jurista Aleixo Carvalho X.Monteru afirma,ita nia estatu FFTL iha artigu 23 hatete katak wainhira ema ida Lidera instituisaun ida laiha ona kapasidade bele halo Kongresu estra ordenario liu husi Asosiasaun sira ne’ebé mak fó votus ba nia.
No Asosiasaun sira ne’ebé fó votus nia ne’e hamutuk 11,entaun Asosiasaun 11 ne’e maioria tha ona hodi bá husu bá prezidenti FFTL bele resigna’an.
Tanba ne’e ami Ezizi bá nia atu deklara data fixu bá Kongresu estra ordenario.
Sorin seluk reprezentante Asosiasaun Dili Oeste Ipolitu Soares hateten,ami tenki koalia tanba husi Asosiasaun mak iha FFTL tan ne’e ami labele nonok atu salva guarda Futebol iha rai ida ne’e.
“Bainhira karta ne’e ami hato’o bá laiha reasaun ruma husi Presidente FFTL,ami sei halo asaun Pasífiku ne’ebé mak bo’ot hasoru FFTL iha semana ida ne’e” Entertantu,ho notisia ne’e públika Jornalista sira seidauk bele konfirma ho Prezidenti FFTL tanba prezidenti hala’o hela viajen ba rai li’ur.
About Post Author
