Dili-relasiona ho karta ne’ebé mak Federasaun Futebol Timor Leste (FFTL) submete bá orgaun Liga Futebol Timor Leste (LFTL) atu tur hamutuk hodi ko’alia kona-ba Kalendariu Kompitisaun no atividade liga nian,maibé karta refere seidauk hetan resposta husi LFTL.
Antes ne’e iha deklarasaun ne’ebé fó sai husi Sekretáriu Jerál FFTL Gregorio Correa iha konferensia horseik katak, fó semana ida antes tama bá loron 1 fulan Setembro tinan ne’e bá orgaun LFTL atu responde karta refere,sei la responde karta ne’e,FFTL sei hasai konvite bá klube sira hodi organiza liga.
Hatan bá kestaun ne’e Deritor Finansas LFTL Caetano Carceres Correa deklara,hakarak hato bá públiku katak,hahú husi fulan Janeiru 2022 LFTL tenta halo ona perparasaun no atividade liga bá Epoka 2022,maibé perparasaun ne’e ami halo komunikasaun entre LFTL ho FFTL ho nia objetivu atu hametin relasaun serbisu no serteza hamutuk bá programa ne’ebé mak atu hala’o iha Epoka tinan ne’e.
“Informasaun sira ne’ebé mak LFTL hato liu husi Karta ofisiál ida bá FFTL iha loron 19 fulan Janeiru 2022 atu inkontru ho klube 20 hodi perpara bá jogu Epoka tinan ne’e,maibé la hetan resposta husi FFTL”dehan Deritor Finansas LFTL iha konferensia ne’ebé mak hala’o iha estadiun munisipal Dili kinta (25/08)
Nia konta,karta la’ós mak ne’e de’it,iha loron 23 fulan Fevereiru 2022 LFTL mós aprezenta Kalendariu jogu bá FFTL, maibé FFTL la aseita no públika iha media de’it, maibé sira la responde karta ofisiál ne’ebé mak LFTL derizi bá.
“Iha mós loron 26 fulan Abríl 2022 LFTL hato pedidu bá Prezidenti FFTL atu hala’o inkontru ho Prezidenti LFTL,maibé hetan nafatin kanselamentu bá inkontru refere”tenik Caetano
Nia sublina liu tan,iha loron 30 fulan Maiu 2022 LFTL haruka karta bá FFTL atu tur hamutuk entre klube,FFTL no LFTL,maibé la realiza.
LFTL mós halo inkontru Iha loron 23 fulan Juñu 2022 ho FFTL hodi ko’alia kona-ba perparasaun liga epoka 2022,no ami mós informa Kalendariu do jogu bá FFTL,maibé seidauk iha serteza husi FFTL.
Caetano Saleinta liu tan katak,LFTL husu bá prezidenti FFTL atu nafatin hatudu komprimisio ne’ebé mak fó sai iha inkontru try parte entre FFTL,LFTL no Klube sira katak,FFTL sei fó finansial soport bá klube sira, maibé to’o agora seidauk iha serteza ida bá klube no bá ami rasik.
“Karta ne’ebé mak governu liu husi SEJD hato mai iha loron 20 fulan Jullu 2022 hodi husu parte LFTL no FFTL atu tur hamutuk hodi ko’alia kona-ba oinsá realizasaun bá Epoka ida ne’e,maibé seidauk serteza nafatin”
Nia komenta,karta ne’ebé mak FFTL haruka mai LFTL atu responde, maibé LFTL seidauk responde tanba razaun bazea bá karta ne’ebé mak SEJD haruka ona mai parte rua atu tur hamutuk hodi ko’alia sobre Epoka tinan ida ne’e.
About Post Author
