DILI-Timor oan Romario Saldanha do Santos Teti sai hanesan arbitu Primeiru ves hodi Derije jogu iha kompetisaun Asean Futebol Faderation (AFF), sub 19 iha Jakarata Indonezia tinan ne’e.
Diretur Arbitrazen Timor Leste, Nivio Fernandes afirma,TL nia arbitu iha rua, arbitu prinsipal ida mak Pedro Maia Carvalho no segundu mak asistente arbitu Romario Saldanha do Santos Teti.
“Request primeiru ne’e mai ba uluk arbitu tanba ita nia arbitu ida tuir hela formasaun ba nia profisaun hanesa juiz,entaun nia laiha tempu, ita tenta para halo mudansa fali,no ita autoriza fali ita nia asistente ida mak ba fali hanesan Romario mak ba”tenik Nivio ba Jornalista iha Bairu Grilos Kuarta (13/07)
Tuir nia katak, Romario hetan oportunidade ba ne’e nia halo buat diak ida i nia foti duni Timor nia naran, nia hetan valor ida ke diak tanba hetan fiar, espera katak ba futuru nia bele hetan fiar liu tan,tanba nia hetan record diak entermus fiziku no foti desizaun diak.
Maibé ida fali mak tama iha semi final no final foin lalais ne’e la tun tanba sira fó prioridade liu ba arbitu antigu sira, entaun Nia fila iha oitavu finais.
“Ita husu ba publiku, ne’e foin primeira vez Romario sai hanesan ezemplu Ida ba sira hotu katak desizaun ne’ebé Sira foti lasala,agora nia ba iha ne’ebá nia aprende buat barak Iha ne’ebá, entaun nia mai iha ne’e hakarak hatudu ba ema hotu katak desizaun loloos arbitu nian mak ida ne’e”dehan nia.
Nia sublina liu tan,Romario hetan lisensia A husi AFF, espera katak nia bele hetan tan fiar ida para ba liu tan atu nune’e hotu hotu nia esperansa,tanba federasaun tenta esforsu nafatin.
Entertantu,Romario dadaun ne’e seidauk fila mai Timor Leste.
About Post Author
