ERMERA-atual kampiaun Copa AFM-E 2021 Fc Tuna hamonu nia adeversario Fc Rivaid ho eskor 6-2 iha jogu abertura Copa AFM-E 2022 ne’ebé halao iha estadiun munisipal Cafe Ermera Sesta (20/05).
Iha jogu premera parte ekipa rua tun halao jogu kompetetivu tebes hodi atray adeptos husi ekipa rua ne’ebé mak asiste jogu refere.
Maibé jogu ladura kleur Fc Tuna doko ona rede FC Rivaid liu husi jogador Edison das Neves iha menutu 4,no ekipa Fc Revaid mós responde hikas golu ida husi jogador Nuncio Soares iha menutu 8 hodi hasai eskor bá 1-1.
Jogu kontinua manas bá ekipa rua hodi hasai ritmu jogu atu buka oportunidade golu hodi asegura pontos masimu iha jogu ne’e.
Ho mentalidade kampiaun iha tinan kotuk halo Fc Tuna fiar A’an liu tan hodi domina bola husi ain bá ain defesil bá Fc Revaid atu hetan bola husi sira nia ain.
Tama bá menutu balun jogador Gregorio Florindu lori Fc Tuna halis rede Fc Revaid ho golu rua iha menutu 9,16 no Jaime de Jesus menutu 18 hodi hatur eskor bá 4-1 to oras deskansa.
Kontinua bá segunda parte,ekipa Revaid tenta halo mudansa bá jogador hodi hatun jogador suplente atu halo tatika jogu hodi salva sira nia rede.
Mundansa hirak ne’ebé mak trenador halo lalori rezultadu bá ekipa,hafoin jogador FC Tuna Gregorio Florindu fora tan golu rua bá rede FC Revaid iha menutu 46 no 49,enkuantu Fc Revaid mós responde golu ida liu husi Jogador Joanico de Jesus iha sota penalidade menutu 88 hodi hatur eskor ba 6-2 to jogu termina.
Hafoin jogu termina trenador Fc Revaid Mário Batista hatete,hanesan tenki simu lakon tanba iha jogu ekipa ida lakon no ida manán, maibé ho derota ne’e hanesan motivasaun ida bá ekipa hodi hadia jogu tuir mai.
“Ami lakon ho Fc Tuna tanba ekipa Revaid foin premeru ves tuir Copa AFM-E tinan ne’e,ho failansu sira ne’ebé jogador komité iha kampu laran ha’u sei hadia hodi perpara bá jogu ho ekipa seluk”
Sorin seluk trenador FcTuna JN Lique Sera informa,jogu ida abertura ida ohin ne’e hakarak hatete de’it hanesan uma nain ami mós perpara di’ak bá jogador nia estamina no fesik di’ak hodi rezultadu bá ekipa rasik.
“Kona-ba Perparasaun jogu tuir mai ami prezisa hadia ekipa Tuna nia liña oin no klaran tanba jogu tuir mai ne’e ami konsider ekipa mesak forte de’it no todan tebes”
Nia mós promete sei halo halo buat ruma iha Copa AFM-E tinan ne’e tanba ami nia ekipa iha mentalidade bá kampiaun.
Entertantu,iha jogu ne’e FC Tuna asegura ona Pontos iha Grupu A,enkuantu FC Revaid ho Pontos 0.
About Post Author
.){kind=link}