Ermera-Federasaun Futebol Timor Leste (FFTL) loke abertura bá jogu Copa Asosiasaun Futebol Munisipiu Ermera AFM-E 2022 iha estadiun munisipal Cafe Ermera Sesta (20/05)
Sekretáriu Jerál FFTL Gregorio Correa hatete, husu ba klube 18 ne’ebé mak Partisipa iha jogu Copa AFM-E ne’e labele lori liman mak joga iha kampu laran tanba hakarak tebe bola uza ain, sei karik jogador monu tenki husu desklulpa atu nune’e labele provoka adeptos sira atu kria problema.
“Imi hatudu kualidade jogu ba imi nia aman Veteranus sira, autoridade munisipal no Polísia Nasionál Timor Leste (PNTL) sira atu nune’e Ermera sai ezemplu ba Munisípiu seluk”tenik Gregorio iha nia deskursu.
Nia afirma,husu bá prezidenti AFM-E atu resista hela jogador ne’ebé mak imi hetan di’ak iha jogu Copa ida ne’e atu lori bá tama iha selessun nasionál Timor Leste sub 19,sei imi liu iha selesaun imi bele bá joga iha eventu internasional.
Sorin seluk prezidenti AFM-E Lumelinu Salcina afirma, Asosiasaun iha nia programa oinsá mak bele lori bola bá baze no bá nasional tanba ne’e mak iha tinan kotuk ami realiza tha Copa premeru.
Maibé iha tinan ida ne’e ami hare katak iha mundansa bá Orariu Liga Futebol Timor Leste tuir Orariu FIFA nian muda bá iha fulan Agostu tinan ne’e,entaun ami hare frei hela hodi uza oputu idade Copa ida ne’e oinsá mak bele motiva klube sira atu investe hodi perpara sira nia jogador hodi halo selesaun bá sira nia jogador.
“AFM-E nia planu mós liu husi eventu ida ne’e oinsá mak ami bele halo selesaun bá jogador Asosiasaun nian hodi perpara ba liga no Copa FFTL ne’ebé mak sei realiza iha tinan ne’e”dehan Salcina
Asosiasaun resistu nia klube hamutuk 12 husi Munisípiu Ermera, maibé ami hare katak Ermera de’it ladún movimentu di’ak,entaun ami loke oportunidade bá Munisípiu vizinu hanesan Liquica reprezentante klube 3 no Dili 3 hamutuk klube 18 mak Partesipa iha eventu refere.
Klube ne’ebé mai husi Munisípiu vizinu hanesan Dili Leste,Maranatha,Vila Ataúru,Maubale, no Liquica nian hanesan,Darlouk,Leupa no Mauloli.
Orsamentu ne’ebé mak mak ami realiza Copa ida ne’e hetan apoiu husi FFTL hamutuk $ 3.70 no emprezario Mil no totál orsamentu hamutuk 4 Mil.
Nia sublina,ho orsamentu sira ne’e ami sei atribui ba premeru lugar, segundu lugar, terseru lugar no kuartu lugar,maibé ami seidauk bele fó sai nia montante tanba ami sei halibur nafatin fundus husi emprezario sira ne’ebé hakarak apoiu.
“Ami agradese bá emprezario Timor oan nia apoiu liuliu emprezario Ermera no mós nasionál
hanesan,Sakom TL, Ronens no mós kompania ha’at iha Ermera.
Enkuantu,jogu Taca Copa AFM-E Partesipa husi Klube 18 no sei finaliza iha fulan Agostu tina ne’e
Entertantu iha abertura ne’e Klube Fc Tuna kontra Fc Revaid ho eskor 6-2 iha grupu A
About Post Author
