Dili-Federasaun Futebol Timor Leste (FFTL) muda Kalendariu Jogu Liga Futebol Timor Leste (LFTL) ba iha Fulan Agostus tinan ne’e tanba tuir Orariu foun husi AFC no FIFA nian katak liga iha nasaun hotu la’ós halao ona iha fulan Marsu,maibé sei muda hotu ba fulan Agostus.
Fo hanoin de’it katak,antes ne’e orgaun LFTL fo sai ona iha semana kotuk bá Kalendariu tentativa ne’ebé sei hala’o iha fulan Abríl no Maiu tinan ne’e.
No janela transferensia ba klube premeru devizaun no segundu devizaun LFTL kontinua prolonga iha loron 18 fulan Abríl no sei remata iha 18 fulan Maiu tinan ne’e,maibé to agora laiha klube ida mai resistu jogador iha liga tanba klube sira sei data fixu ba Kompitisaun refere.
Tanba ne’e prezidenti FFTL Francisco Jeronimu hatete,ita la’ós la hala’o liga,maibé ita tenki ajusta ho Orariu AFC no FIFA nian katak liga hotu la’ós ona hala’o iha fulan Marsu no Abríl.
“Ho ida ne’e mak ami muda fali liga ne’e ba iha fulan Agostus no sei remata fali iha fulan Juñu 2023 tuir Orariu foun husi internasionál FIFA nian”tenik Francisco ba jornalista iha Farol kuarta ne’e.
nia mós husu ba orgaun LFTL sira hotu labele ansi lai hein oituan hodi organiza Kompitisaun ne’e iha fulan Agostus.
“Kona-ba komunikasaun entre FFTL no LFTL di’ak hela no ami laiha problema,maibé ami hatete de’it katak sira preukupa ho osan no ami dehan hanesan ne’e jogu liga ne’e atu hahú ohin ka aban mós ami prontu,maibé ita tenki kompri regra tuir AFC no FIFA nian atu nune’e ita labele hetan nafatin kritika no labele hetan sansaun. Enkuantu,kona-ba asuntu ne’e jornalista seidauk halo konfirmassun husi orgaun LFTL.
About Post Author
 muda Kalendariu Jogu Liga Futebol Timor Leste (LFTL) ba iha Fulan Agostus tinan ne'e tanba tuir Orariu foun husi AFC no FIFA nian katak liga iha nasaun hotu la'ós halao ona iha fulan Marsu,maibé sei muda hotu ba fulan Agostus.){kind=link}