Dili-prezidenti Federasaun Futebol Timor Leste (FFTL) Francisco Jeronimu hasoru malu ho prezidenti eleitu José Ramos Horta hodi ko’alia kona-ba vizita trofy Copa mundiál ne’ebé sei mai Timor Leste iha loron 11 fulan Juñu tinan ne’e.
“Ohin ami halo inkontru ho Prezidenti Eleitu José Ramos Horta atu informa katak iha loron 11 fulan Juñu tinan ne’e trofy FIFA Copa mundiál sei mai Timor Leste tanba ne’e ami husu Prezidenti atu labele sai iha tempu ne’ebá tanba tuir FIFA fo sai katak trofy ne’e to iha Timor so prezidenti mak bele kaer Trofy refere” dehan Francisco ba jornalista iha Farol kuarta (27/04)
Nia haktuir,t axa ne’e rasik ema hotu hatene taxa mundiál original tanba tinan 4 sempre lori ba mundu bá nasaun ne’ebé mak hola parte iha Federasaun internasionál FIFA nian tanba ne’e mak antes atu joga taxa ne’e sei bá uluk nasaun sira ne’ebé mak FIFA hili.
Entaun iha tinan ne’e Copa mundiál sei realiza iha nasaun Qatar tanba ne’e nasaun sira hotu foti dezisaun katak trofy mai uluk Timor depois mak fali nasaun sira seluk.
“No tuir informasaun ne’ebé iha katak,trofy ne’e sei to mai iha Timor Leste iha Ors 11:00 hodi bá palásiu Prezidenti Repúblika no iha Ors 13:00 sei vizita estadiun munisipal Dili atu komunidade sira bele asisti,depois sei fila fali iha Ors 15:00 no liu kedas bá iha Qatar” tenik Jeronimu
Nia afirma, kona-ba perparasaun FFTL sei hamutuk ho Sekretáriu Estadu Juventude no Desportu (SEJD) mak serbisu hamutuk.
Iha Aprezentasaun ne’e prezidenti Eleitu senti kontenti no nia rasik hatete katak tanba FIFA ha’u labele seis husi ne’e no ha’u hein trofy ne’e iha fulan Juñu.
About Post Author
