Dili-Órgaun Liga Futebol Timor Leste (LFTL) iha konfrénsia imprensa Tersa feira (12/04) ne’e, fó sai ona katak iha pontus prinsipais balun husi regulamento kompetisaun Liga Timorense nian hetan ona deliberasaun.
Tanba ne’e diretor relasaun publika LFTL nian, Diogo Neto Fraga informa, iha artigu 6 LFTL nian, lá fó dalan atu sira organiza atividade 3ª divizaun nian, maibé organiza de’it atividade ba 2ª no 1ª divizaun, Taxa 12 de Novembru no Super Taxa.
“Iha artigu 11 formatu ba kompetisaun ba primeira divizaun hamutuk klube 10 no segundu divizaun provisóriu hamutuk klube 9, tanba klube Sporting de Timor sei kumpre hela regras LFTL nian”. Dehan Diogo.
Iha deliberasaun ne’e iha artigu 15 mós hateten kompetisaun limitadu ba klubu hat de’it mak sei hetan premiu.
Klubu rua primeira no segundo lugar husi tabela klasifikasaun finál 1ª divizaun husi kampeonatu, no klubu ida mai husi kampeaun segundu divizaun, nune’e mós klubu ida mai husi manan na’in husi taxa 12 novembru. Bainhira manan na’in hanesan 1ª divizaun liga, LFTL sei prepara kompetisaun ketak ba kompetisaun super taxa iha jogu ikus.
Enkuatu iha artigu 40 mós hateten, jogadór estranjeiru ne’ebé klubu sira sei rejistu hamutuk ema na’in 5, maibé iha kampu labele hatun jogadór na’in 4.
Nune’e mós iha artigu 61 sei halo mós promosaun no degradasaun ba klube sira, enkuatu iha artigu 62 mos sei mantein nafatin premiu ba kampeaun primeira divizaun sei hetan 20.000.00 mil no kampeaun segunda divizaun sei hetan 10.000.00 mil.
Enkuatu premiu ba kampeaun taxa 12 novembru sei hetan 15.000.00 mil.
Entertantu klube ne’ebé kampiaun super taca sei simu prémiu ho valor $ 45.000.00 no klube ne’ebé runer up (segundu lugar) sei simu prémiu ho valor $ 5.000.00.
Jogador ne’ebé marka golu barak liu (top score) iha premeru devizaun sei simu prémiu ho valor $ 1.000.00 no top score segundu devizaun mós hanesan premeru devizaun. (Desportu.xyz).
About Post Author
