Dili- Macario Sanches simu pose nu’udar presidente foun, hafoin substitui presidente sesante Afranio Xavier, liu husi eleisaun iha semana kotuk, nune’e hodi lidera hikas Confederação Desporto Timor Leste (CDTL) ba períodu tinan 2021-2025.
Presidente eleitu ne’e, agradese ba federasaun sira iha Timor-Leste, ne’ebé fó apoiu ba nia atu lidera hikas CDTL. Tanba ne’e nia promete, sei servisu hamutuk hodi bele hadi’a kualidade federasaun iha futuru.
“Planu ba tinan oin iha programa prinsipal 3, primeiru mak atu halo alterasaun ba estatutu CDTL tuir kondisaun real Timor Leste nian, segundu mak sei halo fortalesementu admnistrasaun, no terseru sei dezenvolve inisiativa atu prepara sistema ida ba baze de dadus atleta no federasaun nian”. Prezidente Eleitu CDTL, Macario Sanches ba jornalista sira hafoin simu tomada de pose iha Xanana Export Center Dili,Tersa(21/12/2021).
Iha fatin hanesan Sekretáriu Estadu Juventude no Desporto (SEJD), Abrão Saldanha hateten, CDTL hanesan parseriu prinsipal governu nian, atu reprezenta federasaun sira nia intrese hodi ko’alia ho governu.
Governu iha hanoin ona ba modalidade desportivas ne’ebé rejista ona iha CDTL hamutuk 36, husi númeru ne’e presija eskolha prioridade, bazeia ba sira nia rekursu siponivél atu bele investe para fó prestasaun di’ak. Dehan Abrão.
Governante ne’e informa tan, sei nafatin apoiu CDTL tanba federasaun sira forte Konfederasaun tenki forte uluk.
Tinan oin ita sei partisipa jogu internasioál tolu hanesan, Winter Olimpic, Asean Games no University Games, no governu aprova ona osan atu TL partisipa.
Nune’e mós Prezidente sesante CDTL, Afraino Xavier informa iha nia mandatu tinan 5 situasaun difisíl tanba buat balu halo maibe balu la konsege halo.
Durante tinan 4 nia laran labele halo buat ida, tanba krise polítika no Covid-19, mak impede.
Ami membru husi federasaun ami kopera ho prezidente foun, ba prosesu tomak ba dezenvolvimentu desportivu hotu.
About Post Author
 ba períodu tinan 2021-2025.){kind=link}