DILI-Karketu Dili Fc ho naran istimadu Matak Malirin save titlu kampaun Liga Fútebol Timor Leste (LFTL) epoka 2021, hafoin baku fila nia adversario As Ponta Leste iha estadiun munisipal Dili (21/12)
Ho titlu kampiaun Karketu nian iha LFTL epoka 2021 hanesan kampiaun ba dala rua no kampaiun dala ida iha momentu Liga Fútebol Amadora (LFA) iha 2018.
Jogu foin hahu minutu 1 As Ponta Leste nia rede nakles hafoin hetan sota livre husi jogador Nataniel Reis iha lina penalidade kotuk hodi kona deveza Ponta Leste Americo Martins nia ain monu ba rede laran hodi sai hanesa golu (bundu diri)
Ho golu lais ne’ebé Karketu oferese ba Ponta Leste halo Matak Malirin fiar a’an liu tan hodi halo kontra ataka maka’as hodi hasai tensi jogu husi bola as no Ponta Leste hatudu jogu ho kalma ain ba ain.
Tatika Ponta Leste nia ho presaun halo lina deveza Karketu tenki hikis kosar hodi tahan sira nia rede, banhira jogador Silveiru Garcia halo ameasa liu husi kabesada, maibé bola refere sei kona deit besi rin leten.
Husi ameasa ne’ebé Ponta Leste halo, maibé Karketu nafatin hatudu jogu ho kalma husi jogador selesaun nasional hanesan Oligario Boavida, Nobel, Nelson Viegas halo Ponta Leste mos tenki fera ulun atu kontrola sira nia area defensivu.
Gaudensio Monteiru fila atu lori Karketu lidera tan golu ida, maibé bola ne’ebé nia suta sei salva husi guarda rede Ponta Leste Albinu Ximenis hodi taka primeira parte eskor provesorio 1-0.
Hakat ba segunda parte, treinador Ponta Leste Francisco Arauju tenta halo mudansa hodi sai husi presaun, enkuantu treinador Karketu sei mantein ho ritmu jogu.
Mundansa ne’ebé treinador Ponta Leste halo, ikus mai dumina fali jogu hodi halo Karketu nia deveza tenki hasai sira nia fisiku atu ameasa ne’ebé Ponta halo liu husi suta falta.
Iha minutu 90+4 jogador Karketu Nobel komete bola maun iha lina penalidade kotuk, João Halle kakesik bola falta refere kona besi rin leten to’o jogu remata eskor mantein 0-1 ba Karketu Dili Fc.
About Post Author
){kind=link}