Dili- Iha Tersa Feira lorokraik, mais ou menus oras tuku 4 liu minutu balun, membru komite ezekutivu (Exco) Federasaun Futeból Timor Leste (FFTL) nian, hasoru malu hodi realiza reuniaun ida hodi diskute de’it ba dezentendementu futeból iha futuru.
Maibé relasiona ho asidente ne’ebé akontese entre familia ho átual Presidente FFTL Francisco Jéronimo nian, ne’ebé akontese iha resintu FFTL iha semana kotuk liu ba la iha relasaun ho reuniaun entre membru ‘Exco’ nian.
Tuir informasaun ne’ebé media desportu.xyz. asesu husi fontes balun ne’ebé lakoi fó sai nia indentidade loloos katak, reunian ‘Exco’ nian ne’e, atu foti mós desizaun balun ba Francisco Martins Jerónimo husi Kargu Presidenti FFTL.
Maibé, hafoin reunian ‘Exco’ nian remata iha tuku 8 kalan, jornalista sira tenta konfirma ho Presidenti FFTL Francisco Martins Jerónimo relasiona ho reuniaun ne’e, maibé átual Presidenti FFTL ne’e hateten, reuniaun ne’e ko’alia de’it kona-ba dezenvolvimentu futeból nian no serbisu administrasaun iha FFTL.
“Ami ko’alia kona-ba servisu administrasaun FFTL nian, no ko’alia mós ho unanímu katak buat hotu lao di’ak no familia bola la iha buat ida. Saida mak akontese la iha nia efeitu ida, ne’e mak ami hotu nia desizaun. Hateten Presidente FFTL ne’e iha edifisíu FFTL, Kuarta (16/11).
Presidenti FFTL ne’e mós dehan tan, la iha espulsu ruma, maibé hanesan família bola buat ruma sala tur hamutuk hodi ko’alia hodi fó solusaun.
Jornalista sira tenta husu kona-ba akontesementu asidente liu ba, maibé átual Presidenti FFTL ne’e relata, neim ko’alia iha reuniaun refere.
Iha fatin hanesan Vise-Presidente FFTL Falur Rate Laek mós informa, iha reuniaun ne’e sira ko’alia de’it atu hadi’ak buat balun ne’ebé presiza hadia, nune’e bele lori dezenvolvimentu futeból ba oin.
“Akontesementu ne’ebé akontese ne’e hau labele hatene. Buat krime nian ne’e hau labele mistura fali buat krimi nian ne’e”. Dehan atuál vise Estadu Maior Jenerál Falintil Forsa Defeza Timor Leste (F-FDTL). Majór Jenerál Falur Rate Laek.
Falur Rate Laek mós informa liu tan, prosesu atu toma desizaun iha FFTL nian, ne’e metodu traballu diresaun ninian atu sira hotu hare, maibé prosesu krimi nian sira la to’o iha ne’eba. Tanba ne’e FrancisMartins Jerónimo nafatin lidera FFTL.
Kona ba servisu sira ne’ebé iha FFTL, fiar katak ba oin funsionamentu servisu sira hotu tenki lao ho di’ak. Ida ne’e mak importante. Ita bot sira buka atu hadia funsionamentu iha FFTL ne’e tenki lao ba oin to’o kompetisaun sira ho di’ak, depois iha fulan Febreiru 2022 bele halo kongresu sira ne’e mak ami ko’alia. Hakotu Falur Rate Laek.
About Post Author
