DILI – Guarda rede Selesaun Nasional Timor Leste Aderito Fernandes konsidera klubu sira mak hamate liga no mos Fútebol iha rai laran hodi fo impaktu bo’ot ba jogador sira nia performa iha futuru oin mai, tanbá klubu sira preokupa hakarak hasai subsidiu.
“Oinsa liga atu lao, klubu sira tenki tuir Sistema Federasaun Fútebol Timor Leste (FFTL) nian, mais tan deit osan mak klubu balun hakarak ejizi atu aumenta subsidiu ne’e mak hamate liga iha rai laran no jogador sira nia performa” relata Aderito ba Desportu.xyz liu husi via Whatsapp Kuarta ne’e.
Nia informa, se klubu iha hanoin diak liu mak ne’e liga la’o tia lai ba, depois mak rezolve fali problema subsidiu sira ne’e, maibé klubu balun lakoi hakarak tenki tuir duni sira nia hakarak hodi halo liga lala’o.
Tanbá ne’e hanesan jogador sente triste tanbá tinan rua nia laran liga la la’o lori impaktu bo’ot los mai ami jogdor sira nia performa.
Guarda rede DIT FC ne’e haklaken, klubu sira nia hakarak hasae subsidiu bo’ot se la hasae klubu lakoi tuir, entaun impaktu ne’e ba jogador laos ba klubu.
“Ami jogador nia hakarak klubu sira ho parte FFTL, LFTL no SEJD buka rezolve tia problema sira hanesan ne’e, atu nune’e liga bele lao fali iha tinan ida ne’e”
About Post Author
