DILI – Sekretariu Jeral Federasaun Fútebol Timor-Leste (FFTL) Nelio Izaac hatete, federasaun iha ona regras rigorozu hodi apilka ba jogador ne’ebé mak seidauk simu vasina dala rua sei la autoriza tuir jogu copa FFTL no liga.
“Ami hein formulariu husi klubu hotu mai rejistu tenki kompleta ho jogador sira nia kartaun vasina hodi detekta jogador ne’ebé mak simu ona vasina dala rua federasaun bele autoriza jogu, maibé sira ne’ebé vasina dala ida klubu bele rejitu hela sira nia naran hodi hein jogu tuir mai” relata Nelio ba desportu.XYZ iha FFTL Segunda ( 03/8).
Nia haktuir, federasaun mos tau regras hodi la atoriza adeptos sira atu asiste jogu, maibé adeptos ne’ebé mak simu ona vasina dala rua nia bele asisti jogu.
Maibé federasaun koko oinsa mak halo lina kordenasaun ho autoridade seguransa hodi bele fo espasu distansiamentu sosial hodi tuir protokolu Organizasaun Saude Mundial nian no mos hare kondisaun estadiun.
“Ami hein katak hari h federasaun iha ona liña kordenasaun diak ona ho orgaun sira husi parte hotu hodi bele hahu ona jogu copa FFTL”
Eis governante ne’e haklaken, FFTL laos atu bandu jogador no adeptos sira atu asisti jogu no la joga lae, mabé ita hotu tenki kumpri regras tanbá saude iha ita nia liman.
FFTL fiar katak ho preparasaun ne’ebé mak ami organiza hamutuk ho parte Governu, Ministeriu Saude, Sentru Jestaun de Crise, Seguransa, oragaun Liga Futebol Timor-Leste no adeptos sira oinsa bele realiza jogu ne’e iha ambeinti ne’ebé furak, sei la kumpri regras sira ne’e hau hanoin sei foti desizaun tuir mai.
“Hau nia mensajen ba klubu no adeptos sira hotu katak mai ita kopera hamutuk hodi nafatin kumpri regras saude nian, tanbá pandemia covid 19 lolos ne’e ita labele realiza jogu, maibe ita hotu nia koperasaun diak atu bele realiza jogu copa FFTL iha dia 20 Agostu 2021”
About Post Author
