DILI – Hafoin Federasaun Fútebol Timor-Leste (FFTL) no orgaun Liga Fútebol Timor-Leste (LFTL) anunsiu kalendariu ba realizisaun ba Copa FFTL iha fulan Agostu 2021, kampiaun Lalenok United sai hanesan klubu primeiru halo rejistrasaun.
Adjuntu Sekretariu Jeral FFTL Frederico Martins hatete, foin lalais orgaun rua hanesan FFTL no LFTL fo sai ona katak iha loron 20 fulan Agostu sei realiza jogu Copa FFTL tinan I no mos loke rejistrasaun ba klubu primeiru divizaun no segundu divizaun.
“Kona ba rejistrasaun ita loke tiha ona iha loron 12 Jullu no sei taka iha 12 Agostu, no klube ne’ebé mak kompleta ona dokomentus mak Lalenok United FC halo rejistrasaun klube no rejistrasaun jogadores“ relata Frederico ba jornalista iha FFTL tersa (03/08).
Nia haktuir, klube sira seluk antes fulan Fevereiru no Marsu ne’e sira submete ona iha orgaun liga, neebe horseik halo komunikasaun ho orgaun liga no orgaun liga mos nomeia ona sira nia ema ida para servisu hamutuk ho parte federasaun nian ba iha faze de rejistrasaun nian.
Tan ne’e klube sira nia dokumentus ne’ebé mak sira submete ona iha liga sei hare no komfirma fali ba kriteriu ne’ebe ita hasai ona hanesan rejistrasaun jogador nian, perfil jogadores identidade kontratu ba jogadores profesional noo karta intendimentu ba jogador amadora sira, ne’ebé ita sei hare dokumentus sira ne’e klube sira ne’ebé seidauk kompleta entaun ita sei husu fali ba iha klube sira para hodi kompleta.
Adjuntu ne’e mos husu ba klube sira ne’ebé seidauk rejistu atu bele hakat mai FFTL, ami mos hari tiha edifisiu ida ketak ba iha rejistrasaun nian karik iha difikuldade FFTL prontu para foo asistensia ba iha jogadores” Katak Nia.
“Ami laiha transferensia ba jogadores tanba transferensia ne’e akontese tiha ona iha fulan Janeiru, karik jogador estranjeriu ne’ebé to’o agora ami seidauk simu Informasaun ida klaru kona ba jogador estranjeriu liu liu jogador Gana sira iha Timor sira seidauk rejistu iha federasaun”
Frederico afirma katak, iha jogador balu ne’ebé mak hanesan joga iha Lalenok nian sira rejistu ona iha sistema maibe jogador estranjeriu sira seluk hanesan agora dadauk barak hela iha Timor foin lalais sira hala’o jogu kontra selesaun senior nian ne’e maioria, maibe dadus ne’ebé ami simu iha ne’e seidauk
“Nia husu ba klube sira ne’ebé mak kontratu sira bele hakbesik a’an mai federasaun para fasilita sira iha prosesu rejistrasaun”.
About Post Author
